U·IATTIMGIPAONI
BAGHMARA: Adita salrangna skang, South Garo Hills District Legal Services Authority (DLSA)-ni gita dingtang dingtang program-rangko ong·atangenba, Legal Services Day-ko Baghmara-o manidilangaha.
Ia Legal Services Day-ni mongsonggipa program-ko Baghmara-ni Don Bosco Higher Secondary School-o ong·atangaha aro ia program-ko Jerry S Nokrek dilangaha.
Ia program-ko ong·atanio Fensenber B Marak, mandena bida budini gamchataniko aro chadamberangni daitorangko agan-talate on·angaha aro ia salni gamchatgipa ong·ani bidingo Legal Aid Counsel Alme D Shira, agan-talate on·angskaaha.
Iani ja·man, District Legal Services Authority-ni Secretary DS Marbaniang-ba jinmana aganprakangengon, Legal Services Day-ni bidingo talate on·angenba, ia salko maniani da·o bilsi 28 ong·aha ine parakangaha.
Iana skang, pringni bako Para Legal Volunteer-rang aro Legal Aid Counsel-rang, Baghmara Bazar-ni wilwilao donggipa dingtang dingtang nokrangona re·angenba, Legal Services ba ainni gita dangdike on·ani bidingo agan-talate on·angaha.