U·IATTIMGIPAONI
SHILLONG: Meghalaya a·dokni Cabinet Minister aro United Democratic Party (UDP)-ni dilgipa Paul Lyngdoh, kamrang jakchakjaengani gimin mikkang bilsio ong·atna sienggipa Lok Sabha election-o susana miksonganirang dongjaenga ine parakataha.
Lyngdoh-ni kobor ra·timgiparangna parakatani gitade, ua da·o MLA ong·an baksana KHADC-ni MDC-ba ong·e kamrang jakchakjaenga aro mikkang bilsio ong·atna sienggipa Lok Sabha election-o ua susana miksonganirang dongjaenga.
Shillong Parliamentary seat-oni susana gita gipin dilgiparang baksana Paul Lyngdoh-ba UDP-ni tikitna dorgasto galenga ine iana skangde koborrangko man·soahachim indiba iako Lyngdoh jegalatenba, ua mikkang bilsini Lok Sabha election-o susana miksonganirang dongja ine talataniko on·angskaaha.
Lyngdoh-ni patakatani gitade, Shillong Parliamentary constituency-o susana gita komibeoba sakbri ba sakbonga candidate-rang UDP-ni tikitna dorgastorangko galenga.
Re·baenggipa bilsini Lok Sabha election-o UDP-ni tikitchi Shillong seat-o susana gita da·o dipet dorgastorangko galenggipa candidate-rangara, Hynniewtrep Youth Council (HYC)-oni ong·kate UDP-o napanggipa Robertjune Kharjahrin, Khasi Authors’ Society-ni president DRL Nonglait aro Mawlai-ni gitcham MLA Process T Sawkmie ong·engachim.
