U·IATTIMGIPAONI
SHILLONG: Da·ororo sal somairango sorkarini kam-rangko man·a neng·engon a·songo bang·bata a·dok-rangan uamangni chadam-berangna kam ka·e cha·ani cholrangko nakatatna private investment-ko ka·na nisan ka·tokenga, Megha-laya-o kam man·gijanichi dal·begipa neng·nikani ong·enga, private investment-rangko dakanichisa kam man·jae neng·nikaniko namatani dal·begipa chol ong·aigen. Kolkata, Delhi ba Bangalore-o gita, lakni lak chadamberang ITC company-rang aro gipin-rang gita private company-rang donge ua a·dokrango kam ka·enga. Maibakai Megha-laya-o dingtang dingtang neng·nikanirang-chi private investment-rangko dakna simsakjaenga indake a·dokni chadambe-rang private kamrangko ka·e cha·na gita man·ja-enga. Guwahati-oba, bang·a hajal chadamberang private company-rango kam ka·enganichi bang·a tangka paisarangko man·-enga, indiba Meghalaya a·dokode private invest ka·giparangan dongku-jaenga. Bang·an aganenga, jeon private sector-rang Megh-alaya a·dokona re·-bana sikjaenga maina a·ani bidingo neng·nikanirangko man·enga aro bang·a dakna nanganirang dong·ani a·sel ong·enga jeon private company-rangna kam ka·to-gijarang ong·a gita ong·-enga. A·ako a·kange donga-ni system-ni a·sel Megha-laya-o minggni dingtang dakgipa kamrang cha·enga aro mongsonggipa a·ao invest ka·angnio chu·batgipa gadango iako ra·angenga ine iani bidingo Nongpoh-ni MLA Mayralborn Syiem aganangaha. “A·palo 90-95% a·arang land revenue ong·a aro iano 98% a·arang scheduled biaprangni ning·o ga·aka”. A·a breani system-o rongtalate a·-kangasranganiko man·a adita bakrogipa kamrang dongani gimin a·dokona investor-rang re·bana sikja-enga, ua agandapangaha.