Shillong: Micro, Small aro Medium Enterprises-ni Union of States Minister Bhanu Pratap Singh Verma, Meghalaya East Khasi Hills District Mawryng-kneng Block ning·gipa Laitkseh songo ong·atgipa Viksit Bharat Sankalp Yatra programme-o dongpaaha aro sorkarini gisik nange kam ka·anirangko agan-mesokaha.
“An·chingni niksam-soani gnanggipa Prime Minister uni skanggipa dakgni kamko ka·engaha.” Ua an·tangni kangal-cholgri ong·aniko ma·sie manderangna kam ka·e on·enga aro ua kamrang sorkarini skanggipa dakgni ong·enga aro nanganirang-ko nokantiona sokatna jotton ka·enga, Minister aganaha.
Batanggimin bilsi 9-onin a·jolo silrorobaaniko nik-enga. A·jolko namdapanio bimang dingtangatna ua kam ka·enga. Songrango rongtalanichi nama biming-ko man·a a·song miksong-enga. 2014 bilsini ja·mano gipin chu·sokanirangko aganao songrango LPG man·ani 50-55 percent-oni 100 percent-ona tang·-doaha, bi·sarangko janggi tangani samrangko su·-enga, nokantina chirangko sale on·aniko nikna man·-enga, Minister aganaha.
‘Viksit Bharat Sankalp Yatra’-ni gimin talatao sorkarini pilak scheme-rangko apsano sakantina sokatachi songsalna kakketko dake dakenga. Ua Yatra-o sorkari mission mode-o a·songni songan-tiona re·anggen aro kangal-cholgri sakanti sorkarini scheme-ko man·gipa ong·atgen, ua aganaha.
Sorkarini scheme-o 100 percent chu·sokna nanggen aro kangal sakanti indin on·gipa ration card-ko, Ujjwala scheme-oni gas-ko, bijoli, chi, Ayushman Card aro pucca nokrangko man·a nanggen, ua PM-ni palo talate on·aha. Gamgipa aro hajira kam ka·gipa sakantina uni niksamsoani Minister aganao pension scheme-rangko aro chadamberang uamangni jumangko be·en pilatna Mudra Yojna-ko man·gen. Viksit Bharat Sankalp Yatra, India-ni kangal, me·chik, chadambe aro game cha·giparangna Narendra Modi-ni jamin ra·gipa ong·a, ua aganaha. India-ko tang·doatna sakantiko bil gnangatna ma·mong sorkari ku·rachakenga, Vishwakarma Yojana training on·ani scheme ong·a.
Meghalaya Animal Husbandry and Veterinary Minister Shri Alexander Laloo Hek aganaha sorkari chu·sokbeen Direct Benefit Transfer (DBT)-ko ra·gataha jekon technology-chi dakchakanichi jakkalna man·na. Sorkari-ni gital dakaniko Prime Minister Shri Narendra Modi parakate on·aha,uan songsalna aro tangka-paisa man·anina namen dakchakani ong·a. Shri Hek agandapkuaha jean bang·en scheme-rang aro programme-rang Animal Husbandry aro Veterinary and Fisheries department-ni ning·o donga jean game cha·giparangna jekai Aquaculture Mission, Poultry Mission and Piggery Mission. Uasan ong·aigija game cha·giparangba ia dingtang dingtang scheme-rangko aro pograme-rangko bang·en subsidie-rang baksa man·gen. “Chinga songadamni tangka-paisa man·aniko bariatna on·kange kam ka·enga,” ine aganaha.
Dingtang dingtang tom·anirang jekai ‘Jan Bhagidari’ uno beneficiaries-rangna ma·mongni scheme-rangko Mere Kahani Meri Zubani-ni ning·o man·a aro 100 percent saturation scheme-rangko man·a jekai Ayushman Bharat, Jal Jeevan Mission, Jan Dhan Yojana, PM Kisan Samman Nidhi Yojana, ODF Plus status, drone demonstration in agricultural sector, health camp aro gipinrangko man·a.Indake songni manderang uamangni changa-sapani aro u·i ma·sianiko ia sorkarini scheme-rangko jakkale cha·tote nienga ine aganaha.
Mrs Baphira Nongdhar, saksa songni game cha·gipa aganaha jean ua saksa skigipaba ong·a ua private school-o skigipani kamko ka·achim indiba 2008 bilsio uko wataha.Ua game-ge·e cha·aniko janggi tanganina chol dake ra·aha.Uno bang·en namgnirangko Krishi Vigyan Kendra scheme-oniko man·aha ine aganaha.Uasan ong·aigija solar water pump-koba man·aha aro me·gumu ge·anina trainingkoba man·aha, organic farming aro insect and pest control-na. Uko village for State Seed Production-na nominate ka·aniko man·aha. Uasan ong·aigija alukoba ge·a ine aganaha. Indake Kong Nongdhar da·o solar water pump-ko uni ge·a-gamanirangna jakkalenga aro gipin dakgipa ge·a gamani cholrangkode jakkaljaha ine aganaha.
Bon·kamao Minister certificate-rangko PMAY-Gramin and Pradhan Mantri Ujjwala Yojana scheme-ko man·giparangna sualangaha.