U·IATTIMGIPAONI
SHILLONG: Mijamang-mang tangka ra·sekanio saksa so·otako man·aha aro sakgipinko saknate dakait dakgipa manderang-ko West Khasi hills Police chanchichipaha.
Da·o dipetonan darang-koba rim·a dongkuja indiba ia a·sel ong·gipana kam ka·ani kakketgipa ramaon re·anga ine West Khasi Hills SP Bikram Marak aganataha. “Pilak chol ramaon chinga am·sandia-niko dakangenga,” ine ua agandapangaha. So·ota man·gipa teacher West Khasi Hills-ni Maw-shynrut Block-ni ning·o Rangsapara Secondary School-o skigipani kamko ka·engachim, sakgipin mandeba ia a·selo saknaa-niko man·aha jensalo uamang Sombar attamo Mynniar songo ma·sigija-gipa manderangchi cha-drapaniko man·aha. So·ota man·gipa bilsi 48 ong·gipa TR Sangma uni ka·rimska bilsi 49 ong·gipa S. Chettri baksa Nongstoin-oni Rangsapara-ona re·angmit-ing somoio ma·sigijagipa manderangni dakait dakako chagrongaha.
