U·IATTIMGIPAONI
TURA: December-ni 25 tariko Krismas aro January-ni 1-2 tarikrango Bilsi Gitalni salrangko maniengani gimin ia salrango Tura Municipal Board (TMB)-ni gita dingtang dingtang gittimrangona re·ange jabolrangko chimongjawa ine TMB-ni Chief Executive Officer (CEO) Rikse R Marak u·iataha.
Krismas aro Bilsi Gitalni salrango jabolrangko chimonge salgalani dongjawa ine u·iatengon, jabolrangko December-ni 24 tarik aro December-ni 31 tarik attam 6:00 bajina skangsan, jabol chimonggipa garirango galatchina gita TMB-ni CEO, Tura jillao songdongenggipa manderangko didiataha.
Indake ong·engon, jabol chimonggipa TMB-ni garirang re·angani ja·man badiaba badiaba gittimrango manderang skatang ramarango jabolrangko galangengani a·sel manderangna neng·nikani aro nitogijaniko ong·atenga ineba TMB-ni CEO parakataha aro mikkangchi iandake jabolrangko skatang ramarango galjachina aro jabol chimonggipa garirangosa on·atchina manderangko didiataha.