U·IATTIMGIPAONI
TURA: West Garo Hills a·jani Rajabala jolo donggipa Nekikona aro dingtang dingtang biaprango Jal Jeevan Mission (JJM)-ni kamrangko name ka·jaha ine badi ka·anirangko man·soahani gimin Bristibar salo, Rajabala constituency-ni AITC MLA Dr Mizanur Rehman Kazi, Nekikona JJM project-ko man·chape ia jolrango ka·enggipa dingtang dingtang JJM project-rangko niangaha.
JJM-ni ning·o 2021-2022 bilsini Nekikona Combined Water Supply Scheme-o kamrangko ka·sretanirang donga ine matnanganirangko man·ahani gimin ia kamko Rajabala constituency-ni MLA, an·tangan jolni official-rang baksa nina re·angaha.
Rajabala MLA-ni parakatani gitade, Nekikona Combined Water Supply Scheme-ni kamrangko matchote ka·jani a·sel songni nokni manderang chirangko man·jaenga ine songni manderang aro dingtang dingtang NGO-rangba una badi ka·doangahani gimin ua an·tangan ia biapona re·ange kamrangko niangaha.