Shillong: KHADC-ni Leader of Opposition, Titosstarwell Chyne, a·dok sorkarini songako man·-gipa regional committee-ni council membor ong·e Assam baksa a·dok ning·ni sima-arini bidingo gnigipa changna agangrikani gadangni bidingo Executive Committee (EC)-o sing·doaha.
Regional committee-o bak donggipa council-oni dilgipa donga, Chyne aganaha.
“Guwahati-o chang-gnina ka·gipa regional committee-rangni meeting-o agan-chanchianirangni bidingo chinga ma·sina nangnikenga,” Chyne, council-ni songgipa sima-arini committee-ni report-ni bidingo sing·doa aganaha.
Assam baksa golmal dongenggipa sima-ariko namatna a·dok sorkarini regional committee baksa chanchigrikao District Council-ni Border Committee raken kamko ka·enga ine Deputy CEM, PN Syiem u·iataha.
Meghalaya aro Assam dolgnini regional com-mittee-rang bang·a a·sel-neng·nikanirang dongani gimin golmal dongenggipa biap-a·jolrangona wenanga dongja, Deputy CEM u·iataha.
Meghalaya aro Assam dolgnini regional committee-rangni gisepo chanchigrikao biaprangona re·ange tarianirangni gimin chanchigrikaha, Syiem aganaha.
“Dolgnini regional committee-rang nangrime biapko niena sal-tarikrangko tik ka·kujaenga,” Deputy CEM agandapaha.
 |
ReplyForward
|