U·IATTIMGIPAONI
SHILLONG: Tax Devolution-na ma·mong sorkari, gong kror 559.61 tangkarangko Meghalaya a·dokna chame on·dapataha.
Finance Ministry-oni u·iatani gitade, Krismas aro Bilsi Gitalko manina siengani gimin dingtang dingtang kamrangna chu·-onga gita tangka paisa-rangko jakkalna man·na gita gimik gong kror 72,961.21 gapate Tax Devolution-na gong kror 559.61 tangkarangko a·dok sorkarirangna cham-dapataha.
Ia tangkarangara ding-tang dingtang a·dokrangna 2024 bilsini January 10 tariko on·na nangkueng-gipa tangka paisarangna on·dapani ong·enga aro 2023 bilsini December 11 tarikon gong kror 72,961.21 tangkarangkode watat-manaha.
