SHILLONG: NPP-chi dilenggipa MDA sorkario bakrimenggipa dolrang, election-na skangde dolsa dolgipin baksa susagrika dakenba, bilsi gimikan manderangni namgnina kamrangko ka·na gisiko nanggiparang ong·ja ine Meghalaya Pradesh Congress Committee (MPCC)-ni president Vincent H Pala matnangatenba, Congress dolmangmangsan a·song gimikni namgnina kamko ka·gipa dol ong·a ine a·kangataha.
“NPP, UDP aro BJP dolrang election-ode dolsa dolgipin baksa susagrikronga indiba election-ni ja·mande bakrimronga. Meghalaya a·dokosan ong·aigija a·song gimikon manderangni namgnina kamko ka·enggipa dolde Congress-sa ong·a,” ine Pala aganaha.
Pala-ni a·kangatani gitade, MDA-o bakrimenggipa dolrang, Lok Sabha election-o gisik nange susaenggiparang ong·ja indiba an·tangtangni vote man·aniko rakkinamangmang susaenggiparangsa ong·aia.
Pilak political dolrangan an·tangtangko tange rakkina gitasa election-rango susaenga ine janapatengon, “UDP, BJP aro NPP dolrangde, manderang uamangna chakpaaniko on·ama on·ja uko nina gitasa candidate-rangko susaatenga. Ia dolrangde Congress dol gita ong·gija, susana nanganasa susaaia,” ine ua aganaha.
Bharat Nyay Yatra-ni somoio AICC-ni dilgipa Rahul Gandhi, Shillong-ona re·baama re·bajawa, ukode January-ni 4 tariko pilak state president-rang aro a·dokni in-charge-rang baksa high command, New Delhi-o tom·e chanchirimani ja·mansa aganna man·gen ineba MPCC-ni president parakataha.
