NEC-ni Plenary Session-ko Union Home Minister dilanga

SHILLONG: North Eastern Council-ni Plenary Session-ko Sukrobar salo, Shillong songjinmani State Convention Centre-o ong·atangaha aro ia tom·aniko Union Home Minister Amit Shah dilangaha.
Union Home Minister-ko DoNER-ni Union Minister aro NEC-ni Vice Chairman G Kishan Reddy rimchaksoaha aro ia tom·anio, Meghalaya a·dokni Chief Minister Conrad K Sangma, Assam-ni Chief Minister Himanta Biswa Sarma, Nagaland-ni Chief Minister Neiphiu Rio, Mizoram a·dokni Chief Minister Lalduhawma, Arunachal Pradesh-ni Chief Minister Pema Khandu, Sikkim-ni Chief Minister Prem Singh Tamang aro dingtang dingtang dilgiparangba bak ra·angtokaha.
Ia tom·anio NEC-ni Secretary Moses Challai, 2023-24 bilsina NEC-ni action plan-ko mesoke on·angenba, NEC Vision 2047 document-ni bidingo agan-talate on·angaha.
NEC-ni plenary session-o DoNER Ministry-ni Secretary Chanchal Kumar, DoNER Ministry-ni kamrangni bidingo jinmana agan-talate on·angskaaha.
Salgro salaram a·dokrango namroro silroroaniko ra·bana gita NEC-ni kamrangni gimin NEC-ni planning-financial advisor aro DoNER-ni joint secretary, jinmana agan-talate on·angskaaha.