SHILLONG: A·dokni ning·tugipa biaprango bi·sa bakgitchakrangni siani rate batanganiko Health Minister, Ampareen Lyngdoh janapaha.
Mijal Bristibar-o kobor ra·timgiparangna Ampareen Lyngdoh aganao adita dal·begipa neng·nikanirangko nirokangna nangkuenga aro IMR-ko komiatna nangenga ine aganaha.
“Chel·gipa biaprango chinga maibakai MMR-ko komiatna man·aha,” obostarangko nirokna ua dontonggija PHC-rang aro CHC-rangona re·ange nirokenga, Minister agandapaha.
Mitam block-rango sak 114 awa bi·sarang siaha indiba sak gittamsan bi·sa an·pakgipa ma·giparang siaiaha, a·bachenggipa neng·nikani ma·giparangko hospital-rango bi·sa an·pakna rimbana cholko on·enga aro uamangni bi·sarangni janggirangko chel·chakna bilko ra·chakna uamangna cholko on·enga, Lyngdoh aganaha.
“Ia neng·nikaniko raken nirokna anga nangnikenga. Chinga chingni pilak daitoko jako ra·giparang baksa adita nangrimna nangenga aro u·iataniko on·a namen mongsonggipa ong·enga. Nangchongmotgipa aro manderangna nangako on·a neng·nikani ong·gipa kattarangko chinga sokatna man·jaenga,’ Minister aganaha.
Sorkarini dakgipa bang·a block-rang gita chel·ao donggipa biaprangoni administration adita chel·kuenga ine skango ua aganaha.
“Uni gimin chinga da·o bureaucracy, sorkarini official-rangni chanchianiko nangenga aro bon·kamgipa mile-o bon·kamgipa mande chadengna chinga joljol cholko dakna nangchongmota,” ua agandapaha.
A·dokni ning·tugipa biaprango bi·sa bakgitchakrangni siani batenga
Date:
Share post:
