SHILLONG: Cabinet Minister aro MDA II sorkarina agantimgipa Ampareen Lyngdoh Sonibar salo aganangaha, Assembly-o Hindi ku·sikchi Meghalaya Governor Phagu Chauhan-ni agananina darangba jegale aganggipa dongja-wa, ua maiko aganna uko legislature gimikan name dake knatima ong·ode ma·siaigen aro uni agangipa kattako joljol English ku·sikona pe·skae on·-angjolgen.
“Angni MLA ong·ani bon·kamgipa bilsio anga maiko aganaha unon anga chadenga, legislative Assembly-o Hindi ku·sikchi aganna ong·ode an·ching sakantian Governor-ni gita maiko aganenga bang·-batan ma·sigiparang ong·na nanga,” ine Lyngdoh. Uni batanggimin term-o MLA ong·e house Hindi ku·sikko Governor-ni agnanina jegalangaha ine Lyngdoh aganaha.
“An·ching gisik ra·na nangchongmota jeon legislative Assembly-ni biapo Governor jean a·dokni skotonggipa administrtive ong·a an·chingni re·baeng-gipa bilsi 5-na chanchisam-soanirang aro program-rangko aganna uni Assembly uni house skang re·ba-chenga,” ine ua aganaha.
Uni parakatani gitade, “Na·a legislature-ko nanga ong·ode ku·sik maiko aganenga uni gamchat-aniko ma·sichengna nanga jekon gimikan ma·sia aro niamni gita ku·sik ma·sianio gipin neng·nikanirangchi aganna man·jana na·a sakgipinko dra ong·ode an·ching ma·sina nanga iano provision donga jemangan ma·sija ba aganna man·ja uamang gipinrang maiko aganna rongtale u·ina aro ma·sina nanga.”
“Batanggimin bilsio jensalo anga jegala ian dakmesokgipa gita ong·aha jeon katta gimikkon Hindi-chi aganaha,” ine ua aganangaha.
“Angni skani uamang MLA sakantina head-phone-rangko on·a nanga-chim, jedakode ua maiko agangrikengachim ua-rangko ma·siangna man·-genchim,” ine ua ku·pat-tiangaha. Ua salo English ku·sikchi segipa lekka-rangko member sak-antina on·a ine ua u·iataha.
Assambly-o Hindi-chi agannako darangba jegalgipa dongjawa: Ampareen Lyngdoh
Date:
Share post:
