SHILLONG: Ong·nasienggipa Budget Session-o Governor-ni Hindi ku·sikchi aganaba dongani gimin agan-jikjaktokenganirangna, jemangan Governor House-o Hindi ku·sikchi aganaba donganiko jegalenga uamangko BJP matnangaha.
Hindi ku·sik a·songni ku·sik ong·a arop maikai chinga uko champengna man·gen. Aroba English ku·sikba a·songni ku·sikan ong·a aro na·simang Hindi ku·sikko ra·chakna man·jaode indide maikai na·simang English ku·sikko ra·chakna man·gen,” M Kharkrang aganaha
Governor-ni House-o Hindi ku·sikko aganani gimin BJP maming neng·nikani dongja uamang jeba pasikanirangna pilak somaion political-ni chanchiani dakna man·jawa, Kharkrang darangkoba biming minggija aganaha.
“Hai an·ching nambatatani gimin chanchina. Iakon Meghalaya-na nangenga. Hai an·ching ua kattarangni gimin agananiko dakgija nambatatani gimin agangrikna,” Kharkrang aganaha.
Indake ong·engon, Cabinet Minister aro BJP dilgipa AL Hek-ba Hindi ku·sik a·songni gita official-ni ku·sik ong·a ine aganaha.
“Hindi ku·sikkon bang·a assembly-rango aroba parliament-o agantokenga,” Hek aganaha.
House-o Governor-ni Hindi ku·sikchi aganako jegalgiparangko BJP jegalska
Date:
Share post:
