WGH-ni a·kawejolo JJM-ko kam ka·a tik ong·gijaniko sandina Lokayukta hukum on·a

Tura: West Garo Hills-ni a·kawejolrangni Nikikona aro Bawilgre-o Jal Jeevan Mission (JJM) scheme-rangko kam ka·anirang tik ong·gijani bidingo ua jolni songsalni namgnina kamko ka·gipa dolni badiako man·e Meghalya Lokayuta sandina gita hukumko on·aha.
JJM scheme-ni ning·o nokantiona chi sale on·ako man·gnok ine ka·dongso-enggipa song 28-mang songrango nokantiona chi pipe-rangko sale on·a Nekikona aro Babilgre WSS-ni ning·o project-rang matchoaha ine mesokani ja·mano Garo Hills Youth Organization (BHYO) uamangni president Nazmul Hashan Feb 1 tariko WGH DC, North Division PHE-ni EE aro JJM-ni Chairman-ni kosako Lokayukta-ni kachario badi ka·aha.
Badi ka·ani apsan salon sandina hukumko on·aha. Ua project-ko BAC Infra-ni bimingo company ge·sa tariaha.
Maibakai scheme-ni ning·o chiko man·a nang-gipa song 28 songrangoni ge·sanaba chi pipe-rangko sale tarie on·anirang tik ong·gijanirangko ja·-pangona re·ange nion nikaha. Nokantina chi pipe sale on·gipa matchotaha ine JJM portal-o mesok-gipao maiba tik ong·-gijaniko niknaba donga, a·bachengao PHE department aganaha.
Ua mamlao GHYO-ni badiako man·e a·ba-chengaon sandie nichina gita Lokayukta, MPS officer saksako sokaha.
Sandigipa director sal 15 prako sandiani kam matchotaniko nirokgen aro obostako chek ka·gen aro dongimin somaini gisepo Meghalaya Lokayukta-na sandiani report-ko on·gen Meghalaya Chairman hukumo janapaha.
“JJM portal-o indake janapaha Functional Household Tap Connec-tions (FHTC) Askikandi aro gipin songrangna on·aha aro chi pipe sale on·ani kam matchotaha ine tangkako okaha. Indiba kosako janapbagimin gita ge·gni project-rangni ning·o songona ba gipinrangona ge·sa pipe-koba sale on·an dongja. Uni gimin maikai kam ka·gija tangkako oke cha·na ba iako dakna on·aha aro sawa ia tik ong·gijagipa kamrangni daito ong·enga chinga uko ma·sina ska,” president, Nazmul Hashan aganaha.