Thursday, April 25, 2024
spot_img

KHADC aro JHADC-ni term-ko ra·doatanina BJP sing·doa

Date:

Share post:

spot_img
spot_img

SHILLONG: Khasi Hills Autonomous District Council (KHADC) aro Jaintia Hills Autonomous District Council (JHADC)-ni term-rangko jadokna ra·dodapatahani gimin Sonibar salo, Meghalaya a·dokni Bharatiya Janata Party (BJP), a·dok sorkariko sing·doatenba, iani bidingo namgipa pa·sikaniko on·china didiataha.

“KHADC aro JHADC-ni term-rangko maini gimin jadokna ra·dodapatna nangaha, uko sorkari name talate on·na nangchongmota,” ine BJP Meghalaya-ni spokesperson M Kharkrang, kobor ra·timgiparangna aganaha.

Chonchongipa a·selrangnade district council-rangni term-ko ra·dodapna man·jawa ine janapatengon, KHADC aro JHADC-ni term-ko jadokna ra·dodapanio maiba nangchongmotgipa a·selrang dongna nanggen ine BJP Meghalaya unit-ni dilgipa aganaha.

KHADC aro JHADC-ni term-ko sorkari, jadokna ra·dodapatahani gimin ia district council damgnini election-koba ra·doatna nangao ga·akengahachim.

KHADC aro JHADC-ni term-ko ra·dodapatani bidingo talataniko on·angengon, delimitation committee-ni term-ko ra·dodapna adita salrangna skangsan KHADC aro JHADC, a·dok sorkarina proposal-ko on·ataha aro iako District Council Affairs department baksana a·dok sorkari nipilangenba Sukrobar salo ra·chakaha ine a·dokni Deputy Chief Minister Prestone Tynsong parakatahachim.

KHADC aro JHADC-ni term, re·baenggipa March jani 5 tarikon bon·engahani gimin ia district council damgnini gital dilgiparangko seokna gita election-ko ong·atna nangengahachim.

Deputy Chief Minister-ni parakatani gitade, re·anggipa bilsion KHADC aro JHADC-ni constituency-rangko gital dake sualpilna delimitation committee-ko songahachim indiba ia committee-ni kamrangko da·onan matchotsrangkujaengani gimin ia district council damgnini delimitation committee-naba somoi on·dapkuchina bi·aha aro uandaken KHADC aro JHADC-ni delimitation committee-na somoiko on·dapna gita ia district council damgnini term-ko sorkari jadokna ra·dodapataha.

Indake ong·engon, KHADC aro JHADC-ni election-ko ong·atna skang a·dok sorkari, delimitation-ni kamrangko matchotatani somoi ong·aha ine nikenga ong·ode maini gimin da·o ia district council damgnini term-ko ra·dodapatna nangaha, uni a·selko sorkari jinmana talate on·na nanga ine Kharkrang dabiangskaaha.

Delimitation committee-rangko ru·uta somoirangna skangan songahachim indiba maming kamrangkon matchotkujaenga ine matnangatengon, da·o jadokna ra·dodapanioba uamang kamrangko matchotjagenchimode aro term-ko ra·dodaptaikugenma ine BJP Meghalaya-ni spokesperson sing·doataha. 

spot_img
spot_img

Related articles

Sports Snippets

Former wrestler Narsingh Yadav elected chairman of WFI panel Varanasi, April 24: Former Commonwealth Games gold-medallist Narsingh Pancham Yadav...

Congress, Shillong LS seat-ko chena ka·dongenga

SHILLONG: Voice of the People Party (VPP), Shillong Lok Sabha seat-ko chena ka·dongengnaba donga, indiba Congress-ba uamangni ka·donganiko...

Indian archers eye gold

Shanghai, April 24: The Indian men’s and women’s compound archery teams assured the country of a podium finish...

Nadal unsure about French Open

Madrid, April 24: Rafael Nadal will play in the Madrid Open despite not being fully fit and didn’t...