Thursday, April 25, 2024
spot_img

108-o kam ka·giparangna 6%-chi dormaha bariatchina dabianiko chu·sokatgen: Health Minister

Date:

Share post:

spot_img
spot_img

SHILLONG: 108 Emergency Service-o kam ka·enggipa manderangna 6 percent-chi dormaha bariatchina dabianiko ta·raken chu·sokatna sorkari jotton ka·gen ine Budbar salo, a·dokni Health Minister Ampareen Lyngdoh ku·rachakaniko on·ataha.

Budbar salo, Meghalaya EMRI Workers Union-ni membor-rang baksa tom·e chanchirimani ja·man, iako a·dokni Health Minister, kobor ra·timgiparangna parakataha.

Iani bidingo antignimangna skangsan, EMRI Workers Union-ni membor-rang, uko gronge agangrikeaha ine janapatengon, skango EMRI-ko chalaianggipa company-an uamangni contract-o pangchake ia pilak niamrangko tarina nangachim ine Lyngdoh aganaha.

“Da·o dipet chinga 108 Service-ko chalaina gital company-ko seokanio tender on·anio chu·sokna man·kujae, 108 service-ko company-na pakwatna man·kujaenga,” ine Lyngdoh aganaha.

Indake ong·genchimoba, 108 Emergency Service-o kam ka·enggiparangna uamangni dormahako 6 percent-chi bariatna sorkari ta·raken kamko ka·gen ine Health Minister, ku·rachakaniko on·ataha.

108 Service-o kam ka·enggiparang, badita sal chutti man·na nanga aro uamangna mai dakgipa niamrangko donna nanga, iarangkoba ua jako ra·e nirokatgen ineba ua parakataha.

“Tender on·ani kamko da·o jasa ba jagnini gisepon matchotatna anga ka·dongenga,” ineba ua aganaha.

Health Minister-ko grongani ja·man Meghalaya EMRI Workers Union-ni president Roykupar Kharaswai, kobor ra·timgiparang baksa agangrikskaengon, 108 Service-o kam ka·enggiparangna dormahako kamni bilsini kri komibeoba 6 percent-chi bariatna sorkari ku·rachakahani gimin uamang kusi ong·a ine parakataha.

Meghalaya EMRI Workers Union-ni tom·anio pilak membor-rangan ia dormaha bariatna ku·rachakaniko kusi ong·e ra·chaktokaha ineba Kharaswai parakataha.

spot_img
spot_img

Related articles

Sports Snippets

Former wrestler Narsingh Yadav elected chairman of WFI panel Varanasi, April 24: Former Commonwealth Games gold-medallist Narsingh Pancham Yadav...

Congress, Shillong LS seat-ko chena ka·dongenga

SHILLONG: Voice of the People Party (VPP), Shillong Lok Sabha seat-ko chena ka·dongengnaba donga, indiba Congress-ba uamangni ka·donganiko...

Indian archers eye gold

Shanghai, April 24: The Indian men’s and women’s compound archery teams assured the country of a podium finish...

Nadal unsure about French Open

Madrid, April 24: Rafael Nadal will play in the Madrid Open despite not being fully fit and didn’t...