SHILLONG: Lok Sabha election-ni tarikrangko Election Commission, parakna gita siengahaon, Meghalaya a·doko dingtang dingtang political dolrang aro candidate-rang, campaign ka·na gita dingtang dingtang biaprangona wenna a·bachengtokengaha.
Da·o dipet Lok Sabha election-ni tarikrangko Election Commission paraksrangkujaengoba, election-o susaenggipa pilak candidate-rangan, dingtang dingtang tom·anirango aro an·tangtangni constituency-rango program-rangko ong·ate, manderangko salna jotton ka·tokengaha.
Shillong Lok Sabha constituency-o National People’s Party (NPP)-ni candidate ong·e susaenggipa Ampareen Lyngdoh-ba an·tangni bimingko parakataonin dingtang dingtang biaprangona wene, tom·anirango bak ra·na aro campaign ka·na a·bachengaha aro apsan daken da·o ong·enggipa Shillong-ni MP Vincent Pala-ba dingtang dingtang biaprangona re·e campaign ka·na a·bachengataha.
Shillong Lok Sabha constituency-ni gipin candidate-rang, jekai UDP-HSPDP dolrangni candidate Robertjune Kharjahrin, Voice of the People’s Party (VPP)-ni Ricky Syngkon aro gipinrangba apsan daken, dingtang dingtang biaprangona re·roroe campaign ka·na a·bachengtokengaha.
Tura Lok Sabha constituency-oba da·o ong·enggipa MP Agatha K Sangma, sorkarini dingtang dingtang program-rango bak ra·e campaign ka·na a·bachengaha aro Congress dolni candidate Saleng Sangma-ba dingtang dingtang tom·anirango bak ra·e campaign ka·engaha.
TMC dolba Tura Lok Sabha constituency-o susagen ine adita salrangna skangsan parakatahani gimin da·o salsa salgnini gisepon TMC-ni candidate-koba parakatnaba dongaha aro Tura Lok Sabha constituency-o a·dokni gitcham minister Zenith Sangma-ko TMC-ni candidate songnaba gnang.