Monday, February 17, 2025
spot_img

Maweit-o hisapgimin koelarangna bate dakkia ine matnanggipani bidingo sorkariko TMC mikrakata

Date:

Share post:

spot_img
spot_img

SHILLONG: Maweit-o donggipa Coal India Limited (CIL)-ni depot-o chimonggimin koelarangko hisapana baten dakkie galaniko mesokanio koelarang bataha ine dingtang dingtang songbadrango parakatani ja·man, iani bidingo ta·raken ja·kurangko de·china gita Sombar salo a·dokni Opposition Trinamool Congress (TMC) dol, a·dok sorkarina mikrakataniko on·angaha.

“Iani bidingo sorkari ja·kuko de·gen ine chinga ka·dongenga maina MMDR Act 1957-ni Section 21-ko pe·aniara sastiko man·na kragipa niam ong·a aro iandakgipa niamrangko pe·anio official-rang ja·kuko de·na nangchongmota. Ian POCSO gita dakgipa niamsa ong·ani gimin sastiko man·na nanggipa niam ong·a aro iana sorkari, saniba FIR ka·aniko senge dongna nangja,” ine TMC Parliamentary Party-ni dilgipa Mukul Sangma aganaha.

Iandake kobor on·ani bidingo ta·raken ja·kuko de·china sorkariko didiatengon, “Iani bidingo sorkari maming ja·kurangko de·jagenchimode bilo ong·enggipa manderangni kosako chanchichipna draatako man·gen. Bilo ong·enggipa manderang ine aganengon, ian dingtang dingtang gadangni manderang ong·na ama,” ine Sangma parakataha.

Maweit-ni CIL depot-o chimonggimin koelarangna bate dakkie galanian bataha ine songbadrango parakahani gimin songbad segiparangko mittelpilangengon, ian investigating journalism-ni namen nangchongmotgipa gun ong·a aro Meghalaya a·doko media-ni manderang, mikrakbee kamrangko ka·engani gimin media-o ka·donganiko mesokna nanga ine TMC-ni dilgipa parakataha.

West Khasi Hills a·jani Maweit songo donggipa Coal India Limited (CIL) depot-o koelarangko chimongani aro koelarangko dakkiani namen dingtanggrikani gimin ia jolrango songdongenggipa manderang, ia biapo chimonggipa koelarangko dakkiani bidingo sing·doattokaha ine salsa skangmangmangsan songbadrango parakatahachim.

Ia depot-o koelarang metric ton 2000-mangni gitasan dongaiachim indide maikai a·dok sorkarini koela dakkianiara MT 34,000-mang ong·angpilskaaha ineba songbadrango, koela hisapgipa magistrate aro DMR inspector-ni kamko sing·doatahachim.

spot_img
spot_img

Related articles

PM Modi led 3-member panel meets to select new CEC

New Delhi, Feb 17: A three-member selection committee headed by Prime Minister Narendra Modi met on Monday to...

Ukraine not to participate in US-Russia talks in Saudi Arabia: Zelensky

Kyiv, Feb 17: Ukrainian President Volodymyr Zelensky said Monday that Kyiv would not participate in the upcoming US-Russia...

Top Russian officials head to Riyadh to prepare groundwork for Trump-Putin meet

Moscow, Feb 17: Russian Foreign Minister Sergei Lavrov and Presidential aide Yuri Ushakov are heading to Riyadh in...

In special gesture, PM Modi receives Qatar Amir at airport

New Delhi, Feb 17: In a special gesture, Prime Minister Narendra Modi received the Amir of the State...