WILLIAMNAGAR: Garo Hills-o Post Graduate (PG) aro Under Graduate (UG) Common University Entrance Test (CUET)-na chatro chatrirangko tarisamsoanirang chu·ongjaenga ine nikenba, ia porikkana chatro chatrirangko nambate tarisamsona gita Williamnagar-ni Loyola College, dingtangmancha North Eastern Hill University (NEHU) Tura Campus-ni ning·o donggipa College Welfare & Advisory Committee (CWAC) baksa bakrime ja·kurangko de·chakataha.
CUET-ko UG-na March jao aro Class XII-ni chatro chatrirangna May jao ong·atna siengani gimin Williamnagar-ni Loyola College, dingtangmancha chatro chatrirangko tarisamsona gita program-ko ong·atangaha aro ia program-ko ong·atanio NEHU Tura Campus CWAC-ni Chairman aro Rural Development & Agricultural Department-ni Head Dr Binu Matthew, mongsonggipa skigipa ong·e, chatro chatrirangna, CUET porikkana tarisamsoani bidingo agan-skie on·angaha.
CUET porikkana maikai tarisamsona nangachim aro maikai porikkako sena nangachim, ia pilakkon Dr Matthew, ia program-o chatro chatrirangna agan-talate on·angaha.