Tuesday, April 23, 2024
spot_img

Meghalaya, groo sichipna kenani dongja: Lyngdoh

Date:

Share post:

spot_img
spot_img

SHILLONG:  A·doko sason ka·enggipa sorkari, loan-ni ja·gao ga·aktomna kenchakanirangko opposition dolrangni agananina Cabinet Minister aro MDA II Spokesperson, Paul Lyngdoh mijalo chel·ate aganaha je loan ra·giparangoniko revenue nakatatna gita kam ka·sakgen.
“Loan ra·giparangoniko revenue nakatatna gita chinga kamrangko ka·sakgen,” Lyngdoh aganaha.
Meghaya, re·baenggipa bilsi bongani gisepo, $10 billion economy-ona sokna gita nisan ka·engmitingo, Comptroller and Auditor General (CAG)-oni re·anggipa 2023 bilsio indake mikrakataniko on·skaa je Meghalaya, batanggimin bilsi bongani gisepo loan ra·sroani 63% baten baridapaha aro gro nangenba biljimnaba donga.
Mija mangmang matchotanggipa State Assembly-ni Budget Session-o, Chief Minister Conrad K Sangma, kenchakanirangko chel·atna jotton ka·enba, a·palchini dakchakatgipa loan-rangko ra·eming aroba gipin gipin project-rangna loan-rangko ra·emingsa grorangde biljimenga ine aganahachim.
Meghalaya-ni economy-ko $10 billion-ona sokatna an·tangni skaniko parake aganengon,  2014-15 oni 2018-19-ona compound annual growth rate (CAGR) 6.8% ong·aha jeon 2022-23 oni 2024-25 onade 11.4% -ona tang·dona gita ka·dongsoenga ineba aganaha.
“Sorkari skangna bate korosrangko ka·enga. Revenue aro bosturangko breani koros 2022-23 bilsio Tg. kror 21,390-ona tang·doaha jeon 2015-16 bilsiode Tg. kror 7,954-san ong·aiachim” ine ua agana, unbaksana 2024-25-ode chu·gimik koros Tg. kror 27,072 mang ong·gen, ua agandapaha.
MDA II sorkari batanggimin bilsisao namen chu·sokgipa ong·aha ine aganengon, “na·simang Chief Minister-ni budget-ko parakatgipaon nikna man·a, kamrangko ka·na bang·a miksonganirang donga aro ia sorkarini term ba somoi bon·achide Meghalaya, 10 million dollar economy-ona tang·dogen,” Lyngdoh aganaha.

spot_img
spot_img

Related articles

Ethnic origins: staying with the science

Editor, The article by Bhogtoram Mawroh, “History of the sub-continent and the place of the Khasis in it” in...

Sexual crimes on the rise

The report of sexual assaults on two minors in South West Garo Hills sends a chill up the...

Meghalaya and UPSC Civil Services Exams

By Rudi Warjri Polling for the Lok Sabha Parliamentary elections 2024 is over in Meghalaya. For most it means...

A BJP slide is not unlikely

By Jagdish Rattanani It is never easy or safe to read the mood of the nation, particularly in the...