TURA: West Garo Hills a·jani Selsella Block ning·o donggipa village employment council (VEC)-rango somoi gita election-ko ong·atrongjaenga ine Anti Corrution Foundation of India (ACFI) matnangatenba, ia VEC-rangni election-ko ong·atchina, West Garo Hills a·jani Deputy Commissioner-ko didiataha.
Deputy Commissioner-na sedoatgipa chittio ACFI-ni parakatani gitade, VEC-ni election-ko bilsi gittamprakon ong·atani niamrang dongachim indiba Selsella Block ning·o donggipa VEC-rangde somoi gita election-ko ong·atrongjaengachim.
Re·anggipa bilsini June 5 tarikon Selsella Block-ni ning·o donggipa Job card holder-rang, election-rangko ong·atchina dabie BDO-na sedoatahachim indiba uamangni dabianiko BDO chu·sokate on·jaha ineba ACFI matnangataha.
Selsella Block-ni ning·o donggipa dingtang dingtang VEC-rang, jekai Konachar, Silkata, Char-Kasaripara aro uandakgipa VEC-rango somoi gita election-ko ong·atgija ia VEC-rangko BDO an·tangan ra·chakrongaia ineba ACFI matnangataha.
VEC-ni election-ko ong·atchina gita ia bilsini March jao High Court ge·etaniko on·aha ine janapatskaengon, ia VEC-rangni election-ko ong·atna gita kamrangko nirokatchina ACFI, West Garo Hills a·jani Deputy Commissioner-ko didiataha.