TURA: Garo Hills-o Trinamool Congress (TMC), National People’s Party (NPP) aro Bharatiya Janata Party (BJP)-oni sak 2000-na baten membor-rang Robibar salo, Congress dolo napangaha aro uamangko AICC-ni coordinator Brigady N Marak, MPCC-ni secretary Roger Benny A Sangma, MPYC-ni vice president Reynold M Sangma, West Garo Hills DCC-ni general secretary Prewill Ch Marak aro gipin dilgiparang rimchaksotokaha ine u·iataha.
“Ia sal somoirango Garo Hills-ni manderang namgipa dolko seokna gita sandienga aro INC-ni candidate Saleng A Sangma-ko Tura Parliamentary constituency-ni MP-na seoke Garo Hills-ni nanganirangko Delhi-o ku·rang on·echina watatna miksongtokenga. Saleng A Sangma-ni dilanio aro kamko ka·anichi Garo Hills-o Congress dolko dingtangatpiltaina man·gen ine Garo Hills-ni manderang bebera·engani giminsa da·alo TMC, NPP aro BJP-ni bang·bea membor-rang, Congress dolona re·batokaha,” ine MPYC-ni vice president Reynold M Sangma parakataha.