TURA: Meghalaya a·dokni damgni Parliamentary constituency-ona Lok Sabha election-ko re·baenggipa April jani 19 tariko ong·atna siengani gimin dingtangmancha Tura Parliamentary constituency-na notification-ko on·ataha.
Tura Parliamentary constituency-na notification-ko on·ahani gimin Budbar salonin a·bachenge March 27 tarik attamni 3:00 bajiona kingking, chuttini salrangona agrede je saloba pring 11:00 bajioni attam 3:00 bajiona, West Garo Hills a·jani Deputy Commissioner office (Main Building) Room No. 101-o Returning Officer-na ba DC Office (Main Building)-ni Room No. 112-o Assistant Returning Officer Prettylisa K Sangma-ni jako on·ena man·gen.
Nomination lekkarangko on·na gita form-rangko ia apsan biaprangonikon ra·ena man·gen.
Nomination paper-rangko March 28 tarikni pring 11:00 bajio West Garo Hills Deputy Commissioner Office (Main Building) Room 101-o Returning Officer-ni office chamber-o scrutiny ba nipilangskagen.
Candidate-rangni withdrawal ba susaaniko ra·pilani bon·kamgipa tarikara March-ni 30 tarik ong·engani gimin March-ni 30 tarik attam 3:00 bajina skangan withdrawal notice-ko Returning Officer-ona sokatna nanggen.
Lok Sabha election-na pu·onaniko April 19 tariko pring 7:00 bajioni attam 4:00 bajiona ong·atanggen aro counting ba channanikode gipin parliamentary constituency-rang baksa apsan June jani 4 tariko dakangskagen.
Lok Sabha election-ni kamrangko June jani 6 tarikni gisepon chu·gimik matchotna nanggen.