SHILLONG: Hynniewtrep National Liberation Council (HNLC)-ni ka·mikkenat-taiani bidingo chol man·ode mamingkon watjawa aro raken ja·ku de·gen ine a·dok sorkari aganaha.
“Batanggimin salo police bimchipen kamko ka·aha aro bang·en rim·a man·aha aro bang·a ka·mikkenatanirangko champengna man·aha. Tom·tome donganiko golmal ka·gipa ua kam ka·anirango pilak jak donggipa manderangko ra·bana police wal-wal kamko ka·aha aro a·doko niam aro retinini gita raken ja·ku de·enga. Uni gimin chinga chol man·ode mamingkon watjawa,” chief minister Conrad K Sangma, HNLC-oniko ka·mik-kenataniko man·taiani aro niam aro retini obostako namen kam ka·engani gimin aganaha.
“Chinga deputy chief Minister in-charge home, DGP, Chief Secretary baksa security meeting-ko ka·aha aro dingtang dingtang obostani gimin chanchi-grikaha,” Chief Minister aganaha.
“Chinga kam ka·enga aro tom·tom ong·engako golmal ka·na jotton ka·enga ba jak donggipa sakantini mamla je donga uni gimin ja·ku de·na nangchongmota.
HNLC uamangni dilgipa gitcham Cheristerfield Thangkhiew-ko Police officer so·ota ine HNLC matnangaha ua mamlani gimin matnangako chagrongna nanggen.
Thangkhiew-ko so·ota-niko gogrikao ong·aha aganaha indiba uko so·otanio MDA sorkarini minister-rangni political-ni jak donga ine bobil dol matnange koboro aganaha.
“Chinga Bah Che-ni (Cheristerfield)-ni sianio daito ong·gipa mandeko ma·siaha… Chongmota sakkiko donuna, gopna police changni chang tol·e tol·e aganenga aro jotton ka·enga,” Thangkhiew-ko so·otgipako sasti on·a HNLC ka·mikkenate aganaha.
HNLC-ni ka·mikkenattaiani bidingo raken ja·ku de·na sorkari ku·rachaka
Date:
Share post:
