SHILLONG: Re·baenggipa April jani 19 tariko ong·atenggipa Lok Sabha election-o Meghalaya a·dokni Shillong aro Tura parliamentary seat damgnion NPP-na BJP chakpaaniko on·engani gimin ian Congress dolna namgni ong·skagen ine Congress Legislature Party (CLP) aro Opposition dolni dilgipa Ronnie V Lyngdoh a·kangataha.
Lyngdoh-ni aganani gitade, Lok Sabha election-o BJP-ni chakpaaniko on·enganichi NPP-nade maming man·dapani dongjawa aro Congress dolnasa namgni ong·skagen.
“Meghalaya a·doko NPP-na BJP chakpaaniko on·engani gimin Congress dolnasa vote-rangko man·e on·skagen. Ian NPP aro BJP dolgnini gisepo meli nangrimaniko mesokaniba ong·aha aro manderang pilakan iako nikaha,” ine Lyngdoh aganaha.
Dam 400 seat-rangko chena ka·dongjaengani giminsa BJP, ia seat-rangko gipin dolrangna sualgrikskaenga ineba CLP-ni dilgipa parakataha.
“A·songni salgrochipak chena ka·dongjaengani giminsa Prime Minister, salgipengchipak re·angako an·ching nikna man·aha. Salgrochipak uamang chena ka·dongode maini gimin uamang salgipengchipak re·angna nanggenchim? Ian BJP-ni ia election-o chena ka·donggijaniko mesokanisa ong·enga,” ine Lyngdoh aganaha.
Ia chang opposition dolrang nangrime sorkariko rikskagen ineba ua aganaha.