Thursday, April 25, 2024
spot_img

Agatha-ko seoktaigenchimode ma·mong sorkarini dakchakaniko man·dapgen: Conrad

Date:

Share post:

spot_img
spot_img

SHILLONG: Ia changoba Tura-ni MP aro National People’s Party (NPP)-ni candidate Agatha K Sangma-ko seoktaigenchimode ma·mong sorkarini dakchakanirangko bang·bate man·dapgnok ine Budbar salo, NPP-ni national president aro a·dokni Chief Minister Conrad K Sangma a·kangataha.
Budbar salo ua, Tura-ni Lok Sabha MP aro NPP candidate Agatha K Sangma, South West Garo Hills a·jani ning·o donggipa Gopinathkilla, Chapahati, Tungrurchar aro Daspara songrango campaign ka·angani ja·man iako social media-o parakataha.
Ia election-ara NPP-o manderangni ka·donganiko mesokna sienggipa election ong·engani gimin namen NPP-na gamchatbegipa election ong·enga ineba ua parakataha.
“An·chingni MP Agatha Sangma, ma·mong sorkarini dingtang dingtang scheme-rangko a·dokona man·bae on·aha. An·chingni a·dokna namroro silroroaniko ra·bakuna gita an·ching ukon brigipa changna seoke watatna nangchongmotenga,” ine Sangma aganaha.
NPP-ni candidate-ko chegipa ong·atna aro NPP-ko mangrakbatatna gita a·dokni manderang bakrimaniko on·gen ineba NPP-ni national president, an·tangni ka·dongchakenganiko parakataha.
“An·chingni manderangna aro salgro salaram jolni nanganirangna Agatha, Delhi-o ku·rang on·aha aro Kristian MP-rangni dilgipa ong·eba ua Kristianrangni dingtang dingtang nanganirangna kamko ka·aha,” ineba Sangma aganaha.
Indake ong·engon, a·dokni manderang NPP baksa ong·enga aro ia election-o NPP-ni candidate-rangko seoktelgen ine NPP-ni working president aro a·dokni Cabinet Minister Marcuise Marak-ba parakataha.
“Sorkarini kamrango kusi ong·engani gimin manderang NPP-ni candidate-kon seokpiltaina nangnikenga,” ine Marak aganaha.
NPP aro BJP-ko apsan dolrangan ine Opposition dolrangni matnangenggipani bidingo janapatskaengon, “NPP-de BJP dolo ong·ja indiba apsan bakrimenggipa dolrangsan ong·aia aro iako manderang ra·chakaha. Sorkariko chalaianiosa chinga bakrimenga aro kamrangkoba ka·rimenga,” ine Marak aganaha.

spot_img
spot_img

Related articles

Sports Snippets

Former wrestler Narsingh Yadav elected chairman of WFI panel Varanasi, April 24: Former Commonwealth Games gold-medallist Narsingh Pancham Yadav...

Congress, Shillong LS seat-ko chena ka·dongenga

SHILLONG: Voice of the People Party (VPP), Shillong Lok Sabha seat-ko chena ka·dongengnaba donga, indiba Congress-ba uamangni ka·donganiko...

Indian archers eye gold

Shanghai, April 24: The Indian men’s and women’s compound archery teams assured the country of a podium finish...

Nadal unsure about French Open

Madrid, April 24: Rafael Nadal will play in the Madrid Open despite not being fully fit and didn’t...