SHILLONG: Ia antini a·bachengo Ichamati-o hajira kamko ka·e cha·gipa sakgni manderangko so·otani mamlao East Khasi Hills police da·o dipetna darangkoba rim·na man·kujaenga.
Ua jolo, matnangako mangipa Citizenship (Amendment) Act (CAA)-ko jagalani ja·man mitam u·ina man·gijagipa manderangni chadrapanio sakgni Ishan Singh aro Sujit Dutta (Phuruin Dutta) janggiko galaha.
Sonibaro Police, ua so·otani mamlao darangkoba da·o dipetna rim·na man·kujaenga, ine aganaha. Uni bidingo police bang·gija ma·sianiko man·aha, aro ge-2 FIR-koba segataha.
