SHILLONG: Chadmbe-rangona sokangna jotton ka·angani bako Meghalaya sorkarini Election Depart-ment mijal “Taking Youth and Democracy Togehter” pangchakanio State Level SVEEP Program-ko a·bachengataha.
Programme baksana Meghalaya Football Association-o Election XI team aro Press XI team-ni gisepgriko melie robol kal·susaaniko kal·angaha.
India dakgipa demo-cratic a·songo election namen gamchatgipa ong·a, ine program ong·ani somoio Chief Secretary DP Wahlang aganangaha. Ia April 19 tariko ong·kat-bachina aro bang·a mande-rang puonchina mande-rangko sing·angaha aro Chief Secretary tom·-tomanina okamaha aro election-o bak ra·angchina didiangaha.
Program ong·ani somoio Chief Electoral officer BDR Tiwari agan-angaha, dal·begipana electoral ong·angani bidingo gelna nanggipa-rangni koborrangko media-ni gita kal·anganio mong-songgipa role-ni gimin ua kan·dike agantalate on·angaha.
Kal·susaaniko chena dolgni kal·susagiparang uamangni nambatgipako on·angaha aro kal·susani biltanggrik ong·ani ja·man robol kal·susaniko Press XI 1-0-chi amaha.
East Khasi Hills Deputy Commissioner, Meghalaya DGP LR Bishnoi aro gipin officialrang program-o dongpaaha.
