Wednesday, July 9, 2025
spot_img

Gipin jatrangko chadrapengani gimin BBMF, a·songni President-na sedoa

Date:

Share post:

spot_imgspot_img

SHILLONG: East Khasi Hills a·jao Tribal ong·gijagipa manderangko chadrapanirang batroroengani a·sel gipin jatrangn kenchipchipe janggi tangna nangtokenga ine Bongo Bhashi Mahasabha Foundation (BBMF) parakatenba, iani bidingo nanga gita ja·kurangko de·china a·songni President Droupadi Murmu-na sedoataha.

Adita salrangna skangsan March jani 27 tariko, Citizenship Amendment Act (CAA)-ko jegale dingtang dingtang dolrangni Ichamati-o jinma re·jomaniko ong·atangani ja·man gipin jat mande sakgniko ma·sina man·gijagipa manderang so·ote galahachim aro uni ja·man re·anggipa Budbar saloba Shillong songjinmani Mawlai Mawroh jolo nok rikenggipa mande sakgittamko mikkang katipgipa manderangni chadrapanichi sakgittamoni saksade siangna gita nangahachim.

March-ni 27 tariko ma·sina man·gijagipa manderangni jako dokako man·e Ishan Singh aro Sujit Dutta minggipa mande sakgnian siangna gita nangachim aro Budbar saloba nok rikanio kam ka·enggipa mande sakgittamko mikkang katipgipa manderangni chadrapanichi Nongmynsong-oni bilsi 52 ong·gipa Arjun Rai siangna nangahachim.

“Ia dosgri manderang, an·tangtangni janggi tanganina kamko ka·e cha·paenggiparangsan ong·aiachim aro iandake dosgri manderangko skatang chadrapaniko nike chinga namen duk ong·a. Iandakgipa a·selrangko skia man·gipa songsalo darangba ra·chakna man·jawa. Uni gimin ia manderangko chadrapanio jak donggipa manderangko rim·e rakbatgipa sastirangko on·china chinga didienga,” ine BBMF-ni dilgiparang, a·songni President-na sedoatgipa chittio parakataha.

Mikkangchi iandakgipa obostarang ong·jana gita kenchakna nangbatgipa biaprango chu·onga gita chel·chakanirangko on·chinaba BBMF dabiangaha.

Ia minggni a·sel ong·anio kalimna nangenggipa nokdangrangna nanga gita tangka paisarangko on·e dakchakanirangko on·china gitaba BBMF dabiangaha. 

spot_imgspot_img

Related articles

LoP Gandhi to address key issues concerning farmers, tribals, women during Odisha visit

Bhubaneswar, July 9: Odisha Pradesh Congress Committee President, Bhakta Charan Das, on Wednesday announced that Congress MP and...

Ravi Shankar Prasad slams opposition over Bihar bandh, alleges pressure tactics on judiciary

New Delhi, July 9: Senior BJP MP and former Union Minister Ravi Shankar Prasad launched a scathing attack...

Punjab Police foil terror plot backed by Pakistan’s ISI

Chandigarh, July 9: Punjab Director General of Police (DGP) Gaurav Yadav said here on Wednesday that the state...

16th Agriculture leadership conclave: Argentina reaffirms commitment to agri-cooperation with India

New Delhi, July 9: At the two-day Agriculture Leadership Conclave 2025, Argentina underlined the importance of its deepening...