Sunday, May 19, 2024
spot_img

BJP aro NPP-ni bakrimaniara politics-o bobil dakkamani dongja ine mesokani ong·a

Date:

Share post:

spot_img
spot_img

SHILLONG: Meghalaya a·doko BJP aro NPP-ni bakrime kamko ka·aniara politics-ode ba political dolrangni gisepode bobil dakkamani dongja ine mesokani ong·enga.

Bilsisa skangsan Meghalaya Assembly election-o BJP aro NPP dolgnian doltangari susagriktokahachim aro ua somoiode Union Home Minister aro BJP-ni dilgipa Amit Shah-ba Meghalaya a·dokko tangka jakkalsretbatsranggipa ba kakket ong·batsranggijagipa a·dok ine parakatahachim.

Ua somoio aro election-ni ja·manba Meghalaya a·doko sorkariko NPP-ni dilanichin chalaiahachim.

Tangka paisa jakkalsretanirangna NPP-ko matnangani ja·man da·o ia Lok Sabha election-ode BJP, a·dokni Lok Sabha seat damgnion susagija NPP-na chakpaanirangko on·skaaha.

NPP-chi dilenggipa Meghalaya sorkariko tangka paisa jakkalsretbatsranggipa sorkari ine matnangani ja·manba a·songni Prime Minister aro Home Minister sakgnian, MDA 2.0 sorkarini ku·mikchetanio bak ra·na gita re·batokskaaha.

NPP aro BJP dolrangko opposition dolrang, apsan dolan ine matnangtokengoba, ia dolgnian dingtang dingtang dolrangsa ine a·kangskaahachim indiba ia Lok Sabha election-ode ia dolgnian da·o partaken kamrangko ka·rimskaengaha.

Salgro salaram a·dokrango jegalenggipa Citizenship Amendment Act (CAA)-ni Bill-ko pass ka·ani somoioba NPP-ni MP Agatha K Sangma, Parliament-o BJP-chi dilenggipa NDA sorkarina chakpaaniko on·aha.

Da·o Uniform Civil Code (UCC)-koba BJP, ra·gatna miksongenganiko parakengon, iano NPP chakpaaniko on·ama on·jawa uko ja·mano niskana gita man·gen.

Meghalaya a·doko NPP-ni candidate sakgni, chong·motan Ampareen Lyngdoh aro Agatha K Sangma-na BJP, campaign-rangko ka·engahaon, ia dolgni a·bachengonin bakrimani donga aro ian gital katta ong·ja ine parakatskaaha.

spot_img
spot_img

Related articles

International Day for Biological Diversity: A day of realisation

Dr. Uttam Saikia underscores the importance and value in conserving biodiversity and its multifaceted impact on our future. The...

TRIP TO RHINE FALLS, SWITZERLAND

Rhine Falls is an out-of-the-world experience. It has unforgettable sights at the largest waterfall in Europe. It’s a...

Junk food impacts Children’s mental health?

While the association between junk food -- rich in sugar, salt, and unhealthy fats -- doctors on Tuesday...

Kidspace

Antareepa Baruah, Class III, B.K. Bajoria Yuvaan Agarwal, Class II, BDW International School Daniyaal Aamir, Class III, St. Mary's School,...