Wednesday, May 22, 2024
spot_img

Congress dol chena susaenga ong·ja indiba NPP-ko cheatnasa: Zenith

Date:

Share post:

spot_img
spot_img

TURA: Ia chang Lok Sabha election-o Congress dolni susaaniara chena susaenga ong·ja indiba National People’s Party (NPP)-ni candidate-ko cheatna susaanisa ong·enga ine Tura Lok Sabha constituency-ni Trinamool Congress (TMC) candidate Zenith M Sangma matnangataha.

Tura Lok Sabha constituency-o TMC-ni vote-rangko Congress sale katgenma ine sing·anina aganchakaniko on·angengon, re·anggipa bilsini Assembly election-on Congress-na bate TMC vote-rangko man·ahani gimin ia Lok Sabha election-oba Congress-na baten TMC vote-rangko man·aigen ine Sangma parakataha.

“Congress dolni miksonganian election-o chena miksonganide ong·jaenga indiba NPP-ko cheatna gita TMC-ni vote-rangko salna miksonganisa ong·enga. Congress aro NPP-ni gisepo dongnugimin miksonganirang donga,” ine Sangma aganaha.

Ia election-o TMC-ni susaapaanichi Congress-ni vote man·gniko sale katna sienga aro ian NPP-nasa namgni ong·skagnok ine Congress candidate Saleng Sangma-ni agangipa kattarangkoba ua raken jegalataha.

“Re·anggipa 2023 bilsini Assembly election-o Congress dol, 65,000 vote-mangmangkosan Garo Hills-o man·aiaha indiba TMC dolde laksa hajal sotskubonga vote-rangko man·aha. Ua somoio Congress dolni vote man·anide chingni vote man·aoni bakgittamoni baksasan ong·aia indide Tura Lok Sabha seat-o uamang maina susaaha? Ia election-o vote man·aniko nigenchimode TMC-sa susaani ong·achim,” ine Sangma parakataha.

TMC aro Congress dolgnian, ma·mongo BJP sorkariko be·atna miksonge bikotgipa INDIA Bloc-ni bak ong·engachim ine nikna man·a.

“Tura-o susagija uamang (Congress) Shillong-osa susana nangachim indiba uamang chena miksonge susaenggiparang ong·ja aro TMC-ni cholrangko ra·e katna miksonganisan ong·aia,” ine TMC candidate aganaha.

Da·o ong·enggipa Tura MP-ni gimin manderang maiko chanchienga ine sing·anina aganchakskaengon, da·o ong·enggipa MP-ni kamrangko niknan man·ja aro iakon manderang matnangtokenga ine Sangma aganaha.

“2019 bilsini Lok Sabha election-na skang ua (Agatha), CAB-ko jegalna ku·rachakahachim indiba ua batesa BJP sorkarina chakpaaniko on·aha. Indide maikai ia changoba uni ku·rachakanirangko manderang bebera·na man·kugen?” ine Sangma sing·doataha.

Meghalaya a·doko bang·en namroro silroroani kamrangko ka·aha ine Chief Minister Conrad Sangma-ni agangipa kattarangni gimin janapatskaengon, kamrangkode manderangsa nie bichal ka·gen ine TMC candidate parakataha.

spot_img
spot_img

Related articles

Chief Secy underscores need to preserve rich biodiversity of Meghalaya

Shillong, May 22: Meghalaya Chief Secretary, Donald P Wahlang on Wednesday said that Meghalaya which is part of...

Rajnath takes potshots at Pak’s praise for Rahul, says ‘PoK will inevitably come to India’

New Delhi, May 22: Defence Minister Rajnath Singh on Wednesday took potshots at the former Pakistan minister’s admiration...

SC refuses to entertain ex CM Soren’s plea against ED arrest

New Delhi, May 22: In a big jolt to former Jharkhand Chief Minister Hemant Soren, the Supreme Court...

Haj pilgrims facing inconvenience in Assam, alleges AIUDF

Guwahati, May 22: Assam AIUDF MLA Karim Uddin Barbhuiya has alleged that even as the state sends the...