SHILLONG: People Party (VPP), uamangni campaign-rango manderang bang·e bang·e bakrangko ra·anio pangchakenba, Shillong-ni Lok Sabha seat-kode uamangni candidate Ricky AJ Syngkon-an chetelaigen ine ka·donge aganaha.
“Polling station-rango manderangni pringonin puonna riting dakani koborrangko pilakchinikon kobor man·soani ja·man, election-o chena gita ka·dongenga’’ ine Syngkon aganaha.
Ua indakeba aganaha je VPP-ni ong·atgipa tom·anirango manderangni bak ra·anikode nikenba election-o chena gita namen ka·dongenga.
Saoba saobarang mitchigipa politics-rangko kal·enga aro minggipinara election ong·nagitiko party-ni mongsonggipa mitam dilgiparang BJP-o napnasitokenga ingipa tol·gipa koborrangkoba jangataha, haida uarangchi on·timintide manderangni gisepo jajaanirangko ra·banaba donga, ua aganaha.
“Chingni election campaign ka·a a·bachengaonin bon·kamaona kingking manderangni bil-rengsini gimin manderangna u·iate on·aniko dakaha. Indake ong·engon, manderangko cha·bokna politics kal·aha, indakoba voter-rang namen seng·a, dakmikgipa manderangni kosako seng·gipa voter-rang kamchi skigen,” Syngkon aganaha.
Mitam dilgiparang ku·rangchisan kam ka·aia indiba china ranta gita chinga jeko ku·joka ukon dake mesokskagen ineba ua agandapaha.
