Friday, May 24, 2024
spot_img

Jillarango donggipa Assembly constituency-rango pu·onani komitaia

Date:

Share post:

spot_img
spot_img

SHILLONG: Re·anggipa Sukrobar salo ong·atanggipa Lok Sabha election-o Meghalaya a·dok gimiko pu·onani 76.60 percent gapaha indiba jillarango donggipa Assembly constituency-rangode ia changoba pu·onanirang skango gitan komitaiaha.

A·dokni jillarango donggipa Assembly constituency-rangoni Mawlai Assembly constituency-on pu·onani 75.40 percent ong·e bang·batgipa ong·aiaha. 2019 bilsini Lok Sabha election-ode ia constituency-oba pu·onani 59.32 percent-san ong·aiahachim.

Mawlai Assembly constituency-o gimik sak 50,953 vote-rang donge, a·doko dal·batsranggipa constituency-ba ong·engachim.

Re·anggipa bilsini Assembly election-oba Mawlai constituency-ni manderang, gisiko nange pu·onanio bak ra·anichi Voice of the People’s Party (VPP)-ni candidate-ko chegipa ong·atahachim aro ia changoba ia constituency-ni manderang bang·en bak ra·na gita re·bataiaha.

Mawlai-ni ja·man North Tura constituency-o pu·onani 73.08 percent ong·e gnigipa ong·skaaha aro 2019 bilsini Lok Sabha election-o 72.65 percent man·gipana bang·gija bataha.

South Tura Assembly constituency-ode ia chang pu·onani 2019 bilsiona bate komibatskaaha maina 2019 bilsiode ia constituency-o pu·onani 71.97 percent ong·achim indiba ia changode 69.60 percent-san gapskaaiaha.

Pynthorumkhrah Assembly constituency-oba ia chang pu·onani adita nambataha maina 2019 bilsiode ia constituency-o pu·onani 64.57 percent-san ong·aiachim indiba ia changode 66.65 percent gapskaaha.

Nongthymmai Assembly constituency-oba 2019 bilsio gitan apsanangaiaha maina 2019 bilsio ia constituency-o pu·onani 63.27 ong·achim aro ia changoba 63.31 percent ong·aiaha.

Indake ong·engon, ia bilsini Lok Sabha election-o pu·onanirang, West Shillong constituency-o 62.41 percent, North Shillong-o 59.55 percent aro South Shillong-o 58.36 percent-san gapskaaiaha. 

spot_img
spot_img

Related articles

Swati Maliwal assault case: Kejriwal aide sent to 4 days judicial custody

New Delhi, May 24:  A court here on Friday sent Delhi Chief Minister Arvind Kejriwal's aide Bibhav Kumar,...

Meghalaya’s HYC leaders booked for illegally carrying out eviction drive

  Shillong, May 24: Meghalaya police have registered a case against leaders of Hynniewtrep Youth Council (HYC), a pressure...

CUET: NTA reschedules exam venue, date for Silchar candidates

Guwahati, May 24: The National Testing Agency (NTA) has rescheduled the venue and date of two subjects of...

India’s progress would have been faster, if we had more secure borders: NSA Ajit Doval

  New Delhi, May 24: National Security Advisor (NSA) Ajit Doval on Friday said that India was progressing at...