Friday, May 24, 2024
spot_img

Cantonment Board-ni a·ao niam gri songdongenggiparangko a·rikgalchina HYC dabia

Date:

Share post:

spot_img
spot_img

SHILLONG: Shillong Cantonment Board-ni a·ao niam gri songdong a·chaenggipa manderangko a·rikgalchina gita Sukrobar salo, Hynniewtrep Youth Council (HYC), a·dok sorkario dabiangaha.

Shillong songjinmani Fire & Emergency Station mikkango donggipa Shillong Cantonment Board-ni a·ao manderang niam gri napsrukenba songdong a·chatokenga ine manderangni badi ka·aniko man·soani ja·man HYC-ni dilgiparang, ia biapko nina re·angenba, ia biapo niam gri songdongenggipa manderangko ta·raken a·rikgalchin sorkario dabiangaha.

Iani bidingo HYC-ni dilgiparang, Sukrobar salo Shillong Cantonment Board-ni Chief Executive Officer-ko grongenba agangrikangaha aro una memorandum-koba on·angjolaha.

“Da·alo chinga Shillong Cantonment Board-ni CEO-ko grongenba, ia biapo niam gri songdong a·chaenggipa manderangko a·rikgalchina aro uamangni nokrangko pe·e galchina didiangaha,” ine CEO-ko grongeani ja·man HYC-ni president Roykupar Synrem, kobor ra·timgiparangna parakataha.

Synrem-ni aganani gitade, ia a·ara Shillong Cantonment Board-ni ning·o ga·akgipa biaprang ong·genchimoba ia a·ako defence establishment officer-sa nirokenga aro uni office-ara Guwahati-osa ong·skaa ine ia tom·anio SCB-ni CEO, uamangna talataniko on·ataha.

“Iani bidingo da·o dipet kachario case ong·enga aro ua ia case-ni bidingo talbrekujaenga ineba CEO chingna aganchakaniko on·ataha. Indake ong·genchimoba, iani bidingo chinga sanona re·ange ku·rang on·na man·gen, uani bidingo chingni chittina aganchakaniko on·china chinga mol·molahani gimin ua chingni chittina seachi aganchakaniko on·na ku·rachakataha,” ine HYC-ni president talataniko on·angaha.

Synrem-ni parakatani gitade, Bristibar salo uamang SCB-ni a·aona re·ange nion, ua biapo komibeoba nokdang 80 ba 100-mangni gita plastic aro gipin bosturangchi ramram nokrangko rike songdong a·chatokenga ine nikbana man·ahachim.

Ia manderang ua biapo Cantonment Board aro gipin department-rangoniko maming permission ra·chenga grisa songdongtokenga ineba HYC-ni dilgiparang ma·sina man·ahachim.

Ia biapara namen sel·tajani gimin mande dongchakna kraja aro Shillong songjinmana nitogijaniko ong·atenga ineba HYC-ni president parakataha.

spot_img
spot_img

Related articles

Living in ‘unsuitable housing’, Indian students face increased hostility and discrimination in Canada

Shillong, May 24: A fresh Canadian government report says that students from India were more likely to live...

Priyanka’s husband-pop star Nick Jonas brings the house down at Cannes AIDS gala

Shillong, May 24: Priyanka Chopra's husband and pop star Nick Jonas performed his headbanger number 'Jealous' in a...

Popular dog Kabosu, who inspired cryptocurrency Dogecoin and Shiba Inu, dies

Shillong, May 24: Popular Japanese dog Kabosu, who became the face of the cryptocurrency DogeCoin and Shiba Inu,...

Courts cannot allow DNA testing routinely, strong prima facie case required: Kerala HC

Shillong, May 24: The Kerala High Court has ruled that courts cannot allow DNA testing in all cases,...