Tuesday, July 15, 2025
spot_img

DGP-ni jakkalgipa garini bidingo gitcham AIG Iangrai FIR ka·doa

Date:

Share post:

spot_imgspot_img

SHILLONG: Meghalaya a·dokni Director General of Police (DGP) Lajja Ram Bishnoi-na office-o jakkalna on·gipa garini bidingo kamoniko dontongata man·gipa Meghalaya Police-ni gitcham Assistant Inspector General (AIG) Gabriel Iangrai, FIR ka·doangaha.

Shillong-o Nationwide Emergency Response System (NERS) building-ko rikna gita chame on·gipa tangka paisarangko jakkalsreta ine matnange, re·anggipa 2022 bilsini October 28 tariko saksa Darwin Sangma minggipa mandeni CID-na FIR ka·ani ja·man gitcham AIG Iangrai-ko 2022 bilsini November 2 tariko rim·ahachim. Garirangko ong·gija dake jakkalaninaba Iangrai-ni kosako police-rang mokordoma ka·ahachim.

Uni bidingo inquiry-ko dakon, register ka·kugijagipa bol 29 garirangko ua (Iangrai), an·tangni personal kamrangna jakkalsretaha ineba ma·sina man·ahachim.

Indake ong·engon, da·o a·dokni DGP LR Bishnoi, May-ni 19 tarikon kamtangoni neng·takangna skang, ua DGP-ni kosako matnange FIR ka·doangaskaaha.

Iani bidingo Sadar police station-o FIR ka·doangengon, 2022 bilsio inquiry committee-ni report-o janapani gita central workshop-o park ka·e dongipa Hyundai Verna-ko ua (Iangrai) register ka·gija tol·gipa nombor-rangko on·e an·tangni kamrangnasa jakkalaha ine parakaniko Iangrai jegalataha.

Iani bidingo aganchakaniko on·atengon, inquiry committee-ni membor-rang, biapona re·e nigija aro Transport department-ni record-rangko nichenggijasa report-rangko tariaiahakon ine Iangrai matnangataha.

Gitcham AIG Iangrai-ni parakatani gitade, re·anggipa 2023 bilsio uni RTI ka·e am·sandion, inquiry committee-ni janapgipa Hyundai Verna gariko Transport Department-o register ka·e ML-02A 0001 registration nombor plate-ko man·aha aro iakon DGP-na office-ni kamna on·ahachim ine ma·sina man·aha.

2022 bilsio, Meghalaya a·dokni DGP ong·e kamko jako ra·na re·bachengani somoio DGP Bishnoi, Assam sorkario register ka·gipa gipok Kia Carnival Limousine model gariosa re·baahachim indiba da·o ua ia gario, Verna Hyundai-na register ka·gipa ML-02A 0001 nomborkon jakkalskaenga ineba Iangrai matnangataha.

Meghalaya a·dokni DGP-na gong lak 12 ong·gipa damonasan garirangko jakkalna niamrang dongaiachim indiba DGP Bishnoi-ni jakkalenggipa Kia Carnival Limousine garide gong lak 40-mang gapa ineba Iangrai matnangataha.

Apsan daken, uni kosako inquiry-ko dakgipa committee-ni membor-rangkoba ua matnangataha aro uamangni kosako rakgipa ja·kurangko de·china FIR-o didiataha.

spot_imgspot_img

Related articles

Shubhanshu Shukla returns from space, his family overwhelmed with emotion

New Delhi, July 15: Indian astronaut and IAF Group Captain Shubhanshu Shukla on Tuesday returned to Earth after...

Security forces recover 86 arms, 974 different types of ammunition in Manipur

Imphal, July 15: In a significant development, the security forces in joint operation on Tuesday recovered 86 arms...

Smriti Irani taking a sabbatical from politics? ‘Kyunki Saas Bhi Kabhi Bahu Thi’ actress reacts

Mumbai, June 15:  Amidst rumours that Smriti Irani will be taking a sabbatical from politics to work in...

Rahul Gandhi appears in Lucknow court, granted bail in defamation case

Lucknow, July 15: Leader of Opposition in the Lok Sabha and Raebareli Member of Parliament, Rahul Gandhi, appeared...