Sunday, May 19, 2024
spot_img

M’laya a·dokni gital DGP-na sorkari kraagipa mandekon seokgen: Dy CM

Date:

Share post:

spot_img
spot_img

SHILLONG: Meghalaya a·dokni gital Director General of Police (DGP)-na a·dok sorkari ong·a mandekon seokgen ine ia kamko a·dok sorkarini jakon donaichina gita a·dokni Deputy Chief Minister aro Home (Police) Minister Prestone Tynsong, dingtang dingtang political dolrangko didiataha.

Iani bidingo kobor ra·timgipa manderang baksa agangrikengon, “A·dokni gital DGP-ko songanio sorkari mandeko chanchie donmanaha aro da·o ECI-ni permission-nasan senge dongaiengaha,” ine Tynsong parakataha.

“Salgni sakgittamna skangsan chinga ECI-na proposal-ko on·atmanaha aro da·o ECI-ni permission-nasan senge dongaiengaha. Da·alo ba knalo chinga ECI-ni permission-ko man·ahaode gital DGP-ko songgnok,” ine ua aganaha.

Deputy Chief Minister-ni parakatani gitade, gital DGP-ni kamna gimik sakbonga IPS officer-rangko UPSC biming mingatahachim indiba ia sakbongaoni saksade Assam-ni DGP aro saksaba Assam-o mongsonggipa kamkon jako ra·engani gimin uamang sakgnian Meghalaya DGP ong·na nangniktokjaha aro uandaken da·o Idashisha Nongrang baksa gipin sakgni IPS officer-rangko biming mingenga.

Meghalaya a·doko Voice of the People’s Party (VPP), Bharatiya Janata Party (BJP) aro United Democratic Party (UDP) dolrang, a·doktangni IPS officer Idashisha Nongrang-ko gital DGP songchina gita a·dok sorkariko didiattokahachim ine nikna man·a.

Iani bidingo aganchakaniko on·angskaengon, a·dok sorkari ong·a mandekon gital DGP songgen aro iani bidingo darangba jajrengna gita nangjawa ine Tynsong parakataha.

Meghalaya a·dokni da·o ong·enggipa DGP Lajja Ram Bishnoi, May-ni 19 tarikon kamtangoni neng·takangengahani gimin uni biapko ra·rikna gita UPSC, sakgittam IPS officer, chong·motan 1992 batch-ni Idashisha Nongrang, 1993 batch-ni Ram Prasad Meena aro 1994 batch-ni Deepak Kumar-ko minge on·angahachim.

spot_img
spot_img

Related articles

International Day for Biological Diversity: A day of realisation

Dr. Uttam Saikia underscores the importance and value in conserving biodiversity and its multifaceted impact on our future. The...

TRIP TO RHINE FALLS, SWITZERLAND

Rhine Falls is an out-of-the-world experience. It has unforgettable sights at the largest waterfall in Europe. It’s a...

Junk food impacts Children’s mental health?

While the association between junk food -- rich in sugar, salt, and unhealthy fats -- doctors on Tuesday...

Kidspace

Antareepa Baruah, Class III, B.K. Bajoria Yuvaan Agarwal, Class II, BDW International School Daniyaal Aamir, Class III, St. Mary's School,...