Wednesday, May 22, 2024
spot_img

UDP, BJP dolrangba Nongrang-ko DGP songchina nangnikenga

Date:

Share post:

spot_img
spot_img

SHILLONG: Meghalaya a·dokni United Democratic Party (UDP) aro Bharatiya Janata Party (BJP) dolrangba, a·dokni saksa senior IPS officer Idashisha Nongrang-ko a·dokni gital Director General of Police (DGP) songchina nangniktokenga.
Iani bidingo kobor ra·timgipa manderang baksa agangrikengon, a·doktangni police officer-ko DGP songgenchimode uan a·dok gimiknan mikkim rasongni ong·gen ine UDP-ni working president Titosstarwell Chyne parakataha.
Meghalaya a·doko Donald Philips Wahlang-ko Chief Secretary songe Khasi mandeko songahani gimin DGP-naba Khasi IPS me·chik officer-ko songgenchimode a·doko skanggipa changna a·doktangni manderangko officer-na songani ong·gnok ineba ua aganaha.
“NPP-chi dilenggipa MDA-ni bak ong·paengani gimin Nongrang-ko gital DGP songchina chinga a·dok sorkariko didigen. Chingni cabinet minister-rangko iani bidingo agangrikchina chinga didigen,” ine Chyne aganaha.
Apsan daken BJP dolba, Tribal me·chik officer-ko gital DGP songchina sorkariko didiataha.
Meghalaya a·dokni gital DGP-na UPSC, sakgittam IPS officer-rangni bimingko minge on·manahani gimin Nongrang-ko DGP songchina gita BJP-ni dilgiparang, a·dokni Chief Minister Conrad K Sangma-ko gronge agangrikna tik ka·angaha.
“DGP-ni kamna Nongrang-an krabatgipa IPS officer ong·enga maina UPSC-ni minge on·gipa officer sakgittamoni uan brebatgipa ong·a aro Meghalaya Police baksaba bang·en kamrangko ka·e nikmanaha,” ine BJP-ni state spokesperson aro kamoni neng·takgimin IPS officer saksa Mariahom Kharkrang aganaha.
Meghalaya a·dokni da·o ong·enggipa DGP Lajja Ram Bishnoi, May-ni 19 tarikon kamtangoni neng·takangengahani gimin uni biapko ra·rikna gita UPSC, sakgittam IPS officer, chong·motan 1992 batch-ni Idashisha Nongrang, 1993 batch-ni Ram Prasad Meena aro 1994 batch-ni Deepak Kumar-ko minge on·angahachim.

spot_img
spot_img

Related articles

Rajnath takes potshots at Pak’s praise for Rahul, says ‘PoK will inevitably come to India’

New Delhi, May 22: Defence Minister Rajnath Singh on Wednesday took potshots at the former Pakistan minister’s admiration...

SC refuses to entertain ex CM Soren’s plea against ED arrest

New Delhi, May 22: In a big jolt to former Jharkhand Chief Minister Hemant Soren, the Supreme Court...

Haj pilgrims facing inconvenience in Assam, alleges AIUDF

Guwahati, May 22: Assam AIUDF MLA Karim Uddin Barbhuiya has alleged that even as the state sends the...

NDA has already crossed 310 seats after five phases of LS polls: HM Amit Shah

Kolkata, May 22: Union Home Minister Amit Shah, on Wednesday, said that the BJP-led National Democratic Alliance (NDA)...