National Lok Adalat-o, 401 Pre-Litigation mamla-rang aro ming 334 namatna donchipenggipa mamla-rang donga. Gimik gimang ming 735 mamlarangko namatna ra·angaha jeoni ming 124 mamlarangko 87,49,876.95/ gimik gimang tangkana namataha.
Umroi-o mande salrursagipa gari bolsa wa·al kama
Nongpoh: Mande gadoe songregipa ML 05D 4866 register ka·gipa gari bolsa Umroi Airport junction-o wa·al kamaha. Ia a·sel Sonibar salni saljatchi 12 bajirango ong·aha.
Police dolni parakatani gitade, Mawblang songoni Umroi Nongrah-ona mande salruragipa gari ong·achim. Jagokani, re·bapilani somo-iosa gari wa·al kamaha.
Bilsi 26 ong·gipa Tyn-shain Maring gari salgipa engine-ko a·bachengatna am·mitingon tanggitik gari wa·al kamaha, ine parakataha.
Dal·e wa·al kamoniko champengna Fire and Emergency Service-oni wa·al kimitgiparang tarake sokbae kimitaha. Gari bang·en nosto ong·aha. Ia a·sel ong·ao darangba mata buako aro saknaaniko man·gipa dongjaha.
Mawtawar-Umroi Airport rama namangjaenga
SHILLONG: Mawtawar Umroi Airport rama-ko dikdiksana re·na jakkala-nichi, gari re·a bang·anichi aro mikka waanichi ramani obosta namjabatroro-engaha.
Adita video-rangko online gita mesokatako nikani gita da·o re·anggipa chonbegipa rama bang·en aklokrara dakangengaha aro ramani obosta nam-roroangjaengaha.
