Samtangtango donggiparangna simsakjani bidingo TMC, Conrad-ko matnangata

SHILLONG: A·dokni Chief Minister Conrad K Sangma mikkangchina chanchisoanirang komia-niko paraka aro apsan somoion sorkarini depart-ment-ni tarisamsoani komianiko paraka, Sukrobar salo Opposition TMC aganangaha.
“Um Jaijai-o chibisik chi chimongchakram biapona Chief Minister ja·achi re·angaha da·ode ua uni department-ni ong·gija kam ka·aniko, mikkangchina maming tarisamsoa dong-gijaniko namen nikangaha, a·solmanchade soil water conservation department, PHE department aro Soil department-rang ia ong·a bosta gimikkon skangan ma·simanaha aro uamang mikrakna nanga jeon a·dok-ni manderangni man·gniko chel·chakna sorkari ong·e bimchipe kamrangko ka·-angna nanganio chu·sok-jaha,” ine TMC State Youth President Fernandex Dkhar aganaha.
Uni department baksa Chief Minister ja·dil ja·pangoniko sandina ja·a tingtingchi re·angna nangaona sokaha aro ian mingsa dake mesokgipa ong·aha, iani bidingo ua aganangaha, “Chief Minis-ter an·tangan uni depart-ment-ni samtangtang dongenggipa sam bolrang-na simsakgijaniko aro name kam ka·gijanikosan mesoka ong·ja indiba apsan somoio an·ching a·doko gimiko noksani gimin aganangna man·gen jeon indakgipa  chiko man·ani cholrang gimikan dipangenganiko nikna man·engaha.”
Sing·anide ian, ia depart-ment-rango aro officer-rango maidake ka·dong-chakna man·gen, ine ua aganaha. “Oe an·ching Chief Minister-ni changsa-mangmang ja·achi re·ako nikaha aro ua ja·achi re·ako dontongaha, da·o ua chi chibisik jokgipaona re·ang-aha da·ode ua uni political-ni kam ka·gijaniko mesok-genma, a·dokni chiring chibisikrangko ripinganiko chel·chakna songdonggipa ong·e skanggipa ja·kuko Chief Minister ong·e ua ka·na nanggen,” ine ua agandapangaha.
“Uni donatgipa noksa-rang kam ong·angjaeng-aha,” ine ua aganaha. “Chief Minister ong·e bang·a de·mittelanirangko man·angaha, uni jotton ka·aniko mesokangaha indiba mingsa sorkarini ma·sichakanirang dongja jensalo samtangtango dongenggiparangna iarang gimikan neng·nikaniko on·enggiparangna tarisam-soani ian ong·engachim maidake policy kam ka·anio chu·sokja jean sorkarioni ra·bagipa ong·a,” ine ua agandapangaha.
“An·ching samtang-tango neng·nikanirang aro mamlarangni bidingo sam bolrangni gimin aro salkari-rangni gimin skie on·anga-nirangko nika indiba ua-mang social media-rango-san skiprake bon·aia aro uarang skogri aro jakgri-giparang ong·a aro agan-mangmangaia aro an·ching songdonggiparang ong·e iarang gimikon knana arat-pilaha,” ine ua aganaha.
“Uamang an·tang department-ko nirokanio uamang name kam ka·ang-na man·gen ine dilgiparang chanchie uamang advisor-rangko samtangtango dongenggipa sam bolrang-na rakkiangenga jemangan uamangni nokoni nenge dikesa samtangtango dongenggipa sam bolrang-ni bidingo neng·nikaniko man·enggiparangko nina ong·kata aro a·dok gimiko mandeni tarigipa bostu-rangchi an·chingni sam-tangtango dongenggipa sam bolrangko nosto ka·-enga. Indakgipa dilgipa-rango an·ching bebe ra·na nangama? Uamang ia chasongko so·otengasan ong·ja indiba re·baenggipa chasongkoba so·otenga,” ine Fernandez Dkhar aganaha.
“Indakgipa chu·sokgija-gipa dairangna an·ching manderang maina damko on·a nanga aro ia depart-ment gimikni aratgipa bewalrang jemangan politi-cal dilgiparangni a·dokni manderangna dangdike on·anganio chu·sokgija-gipa ong·a,” ine sing·-angaha.
“Chiring chibisik aro forest resource-rangko chel·chakna chiring kosako an·cheng bikotaniko champengako ia depart-ment-rang mesokaha aro Chief Minister an·tangan sakki man·gipa ong·aha jeon ua re·angaha aro uamangni dakna nanggni kamrangko department an·tangan skie on·ang-aha,” ine ua aganaha.
“Uamangko uamangni kam ka·miting somoio tusiako rim·a man·a ong·-ode a·dokna aro mande-rangna ia department mai namako ra·bagen. Sorkari re·baa aro re·anga indiba ian sorkariko department-rangni mikrakate dong-angna nanggipa ong·a,” ine TMC state Youth President Fernandez Dkhar aganaha.