AMPATI: Re·baenggipa May 31 tariko a·gilsak gimikon ‘World No Tobacco Day’-ko manina siengani gimin ia salko manisamsoani bak gita Sukrobar salo, South West Garo Hills a·jao donggipa dingtang dingtang skulrangba, ‘My Meghalaya Tobacco-free Meghalaya’ ine pangchakaniko donenba dingtang dingtang program-rangko ong·atangaha.
2021 bilsini March jao, National Tobacco Control Program-ni ning·o Sambandh Health Foundation baksa nangrime Health Department-ni a·bachengatgipa Tobacco-free Education Institutions (ToFEI)-ni bak gita ia program-ko South West Garo Hills a·jaoba ong·atangaha.
Ta·makku jakkalani namgijanirangko manderangna u·iatna gita skulo poraienggipa bi·sarang, lekka pal·takrango seanirangko ra·e re·jomanirangko ong·atangaha aro signature campaign-koba ong·atangaha.
Ta·makkuchi nosto ka·a man·aoniko bi·sarangko naljokatna miksonganio ia bilsio dingtangmancha ia campaign-ko a·dok gimikon ong·atenga aro ia campaign-o South West Garo Hills a·jani Deputy Commissioner Hema Nayak-ba chakpaanirangko parakataha.
Ia Tobacco Rally ba re·jomaniko dingtang dingtang skulni chatro chatrirang, re·baenggipa May 20 tarikona ong·atenga.