Tuesday, July 23, 2024
spot_img

Skigiparangni DA arrear aro bangki dormaharangko on·china ASWA dabia

Date:

Share post:

spot_img
spot_img

TURA: Dadenggre jolrango donggipa Non-Government LP skulni skigiparang DA arrear-rangko aro Adhoc ME skulni skigiparang, March aro April jagnini dormaharangko man·kujae neng·nikanirangko chagrongna nangtokenga ine Dadenggre-ni A·chik Students Welfare Association (ASWA) parakatenba, ia skigiparangna DA arrear-rangko aro jagnini dormaharangko ta·raken on·china School Education & Literacy-ni Director Swapnil Tembe-na sedoataha.

Ia skigiparangni man·na nangkuenggipa DA arrear aro jagnini dormaharangko ta·raken on·china sorkariko didiatengon, “Chatro chatrirangni mikkanchi janggi tanganiko skigiparangan tarigiparang ong·e chatro chatrirangko mande ong·atna gita an·tangtangko on·kange kamrangko ka·enga indiba somoi gita an·tangtangni man·na nanggipa dormaharangko man·jagenchimode skigiparangba kamtangtangko ka·anio neng·nikanirangko chagrongna nanga,” ine ASWA Dadenggre-ni dilgiparang parakataha.

Adhoc ME skulrango skigiparang March aro April jagnini dormaharangko man·tokkujaengani a·sel nokdang chalaianio aro kamtangtangko chu·sokatanio neng·nikanirangko chagrongna nangtokenga ine janapatskaengon, skigiparangni neng·nikanirangko chel·chakna gita uamangni man·na nangkuenggipa dormaharangko ta·raken on·atchina gita ASWA-ni dilgiparang, School Education & Literacy-ni Director-ko didiataha.

ASWA Dadenggre-ni parakatani gitade, re·anggipa May 7 tarikon, DA arrear-rangko gamna gita gong 37,58,519 tangkarangko chamatenba sorkari, Sub-Divisional Education Officer (SDSEO)-na seatgipa chittiko uamang nikahachim indiba da·alonan Dadenggre-o Non-Govt LP skulni skigiparang, DA arrear-rangko man·tokkujaengachim.

“Iara maini a·sel ong·enga iako chingna talate on·china aro man·a dipet ta·raken skigiparangna ia man·gnirangko on·china chinga mol·molenga,” ine ASWA Dadenggre-ni dilgiparang parakataha.

spot_img
spot_img

Related articles

Review of Income Tax Act announced in Union Budget

New Delhi, July 23: Finance Minister Nirmala Sitharaman announced a review of the Income Tax Act 1961 in...

Centre announces one crore houses for urban poor

New Delhi, July 23: Union Finance Minister Nirmala Sitharaman on Tuesday proposed an allocation of Rs 2.2 lakh...

Union Budget gives major push to job creation with focus on youth, women & farmers

New Delhi, July 23: Finance Minister Nirmala Sitharaman on Monday presented the Union Budget 2024 in Parliament on...

Assam, Sikkim among states to get flood devastation relief: FM Sitharaman

New Delhi, July 23: Finance Minister Nirmala Sitharaman announced financial assistance for the Himalayan states of Himachal Pradesh,...