Wednesday, July 24, 2024
spot_img

Bilsi 40 batpile PA Sangma-ni nokdango rim·kepgipa Tura LS seat-ko Saleng sekanga

Date:

Share post:

spot_img
spot_img

TURA: Tura-ni gitcham MP aro Lok Sabha-ni gitcham Speaker Purno A Sangma sagini nokdangoni bilsi 40 batpile rim·kepe dongenggipa Tura Lok Sabha seat-ko Mongolbar salo, Congress dolni Saleng A Sangma pe·enba itihasko tariaha.
Tura Lok Sabha constituency-o Congress dolni candidate Saleng A Sangma, 3,83,919 vote-rangko man·e, gitcham MP aro National People’s Party (NPP)-ni candidate Agatha K Sangma-ko 1,50,000-na batgipa vote-rangchi amchepangaha aro uandaken bilsi 40 batpile uamangni rim·kepe dongenggipa Tura Lok Sabha seat-ko sekna man·aha.
Purno Sangma-ni somoirangonin Tura Lok Sabha seat-ko gipin dolrangoni darangba chena man·kujaengachim aro uni siangani ja·manba uni dedrangrang, ia seat-ko chepiltaina man·kuaiengachim.
Indake ong·genchimoba, ia changode NPP, BJP-ni dakchakanichi Lok Sabha election-o susaahani a·sel manderangni namnikgijaniko man·aha aro uandaken ia Lok Sabha election-o Garo Hills-ni manderang, NPP-ko seokgija Congress dolni candidate Saleng Sangma-ko seokskaaha.
Batanggimin chang Lok Sabha election-rangode, North Garo Hills aro South Garo Hills a·jarango NPP altuaen chena man·rongaiachim indiba ia changode Garo Hills-ni pilak a·jarangon NPP-na pu·ongiparang komibatskaaha ine nikna man·aha.
Batanggimin bilsirangonin India a·songo songdongenggipa Kristianrangni kosako BJP-ni manderang dokkol ka·e roenga ine matnangtokenba Garo Hills-ni manderang, NPP-ni BJP baksa bakrimanina suk ong·gijaniko paraktokaha aro uandaken ia chang election-ode Garo Hills-ni manderang, gital MP-ko seokanichi NPP-ni BJP baksa bakrimanina suk ong·gijaniko kamchi mesokataha.
Ia election-o NPP-ni amako man·ahani gimin Garo Hills-ni mitam manderango sing·sandiaton, ia election-o BJP baksa bakrimgija susagenchimode NPP-ni candidate Agatha K Sangma chenaba gnangchim indiba Garo Hills-ni manderang ru·uta somoirangonin BJP-ni kamrangna kusi ong·tokjae Congress dolni candidate-ko seokskaaha ine saksa pu·ongipa parakataha.
“Uasan ong·aigija batanggimin bilsi bongani gisepo Tura-ni gitcham MP Agatha K Sangma, Garo Hills-ni mitam biaprangonade changsaba re·ange nian dongjaha aro iani giminba manderangni gisepo suk ong·niktokjae dingtang dilgipako seoke niskana tik ka·aha,” ine ua aganaha.

spot_img
spot_img

Related articles

Lauded in France, Rapture struggles for space at home

SHILLONG, July 23: National award-winning filmmaker Dominic Megam Sangma is struggling to screen his film Rapture in Meghalaya,...

Budget has nothing for NE: Pala

SHILLONG, July 23: Meghalaya Pradesh Congress Committee president, Vincent H Pala on Tuesday expressed unhappiness with the Union...

‘Growth-oriented’ budget gets a thumbs up from state govt

SHILLONG, July 23: The state government has hailed the Union budget, terming it as growth-oriented with special focus...

Pala blames MDA’s ‘corrupt ways’ for exodus of labourers

SHILLONG, July 23: The Congress on Tuesday held the NPP-led ruling MDA and its “corrupt ways” responsible for...