SHILLONG: Meghalaya a·dokni Captain Williamson Sangma State University-ko recognize ka·ani aro ia state university-o college-rangko bak ong·atani bidingo a·dok sorkari, University Grants Commission (UGC)-ni Chairman-ko gronge agangrikaha.
Iani bidingo kobor ra·timgiparangna talataniko on·angengon, “State Technical University-ko chu·gimik State University ong·atanio chagrongna nangenggipa dingtang dingtang neng·nikanirangko namatna chingni sorkari kamko ka·e amendment act-ko ra·baaha aro ia State University-ko ta·raken a·bachengatna aro college-rangko bak ong·atanio kamrangko a·bachengatna chinga UGC-ni chairman-ko gronge agangrikaha,” ine a·dokni Education Minister Rakkam A Sangma parakataha.
Kamrangko ta·rakatchina gita sorkari, UGC-ni chairman-ko mol·molaha aro ua pilak nanga dakchakanirangko on·na gita ku·rachakaha ineba Sangma parakataha.
Basakoni ia state university-o college-rangko napatna miksongenga ine sing·anina aganchakaniko on·angengon, ia kamko uamang ta·raken a·bachengatna nangnikenga aro iani bidingo UGC-ni chairman baksa agangrikmanahani gimin da·o UGC-ni chairman-osa pangchakaignok ine a·dokni Education Minister parakataha.
A·doko NEET porikkako seatanio neng·nikanirangko chagrongna nangahani gimin sing·skaon, “NEET-ni giminba chinga chanchirime National Testing Agency (NTA)-na u·iatmanaha. Da·o kamrang uamangni jakosajok,” ine Sangma aganaha.
State University-ko recognize ka·ani bidingo sorkari UGC baksa agangrika
Date:
Share post:
