Sunday, August 31, 2025
spot_img

Niam gri B’desh-ona badingsrukanirang batrororengani gimin Jengjal PS-o badi ka·a

Date:

Share post:

spot_imgspot_img

TURA: Chini, matchu matte, gue aro uandakgipa ma·manti bosturangko Garo Hills-ni ramarang gita Bangladesh a·songona niam gri badingsrukanirang batroroengani gimin Garo Hills-ni social activist Nilbath Marak, Jengjal Police Station-o badi ka·doangaha.

Bangladesh a·songona ma·manti bosturangko niam gri badingsrukengani gimin changni chang badi ka·doangahaoba iandakgipa kamrangko dontongatna man·jaengani gimin ua changsataie, Jengjal police station-o badi ka·doangaha.

Iana skang, re·anggipa April-ni 14 tarikoba ua, iani bidingon Election Commissioner-na badi ka·doangahachim aro da·o election matchotani ja·manba truck-ni truck garirango, National Highway (NH-51) rama gita chinirangko salangenganiko nikna man·kuengani gimin Jengjal police station-o badi ka·doangskaaha.

“Ia rama gita chini, rasin, gue, matchu matte aro ma·manti bosturangko gipin a·songrangona salangengani gimin ia garirango nangchongmotgipa lekkarang dongama dongja, uko am·sandichina gita anga CEC-na badi ka·e sedoatahachim. Jengjal police station-ara West Garo Hills aro North Garo Hills-ni entry point ong·ani gimin iandake bostu salruragipa garirangko nambate am·sandina man·gen,” ine Marak, Jengjal Police Station-na badi ka·doanggipa chittio janapataha.

Salgni skangsan Tura jillani samba jolo donggipa Rongkhon-o traffic jam ong·aniko nikna man·ahani gimin ia rama gita chirangko salrurana a·bachengengaha ine ia manderang ma·sina man·ahachim.

Chini salruragipa truck garirang ia rama gita South Garo Hills a·jachipakna salruraengani a·sel Rongkhon jolrango traffic jam ong·aniko nikna man·aha ine kobor on·aha.

“Ia ramarango chini salruragipa truck garirangni a·sel traffic jam ong·aniara walni somoio manderangni tom·tome tusiako golmal ka·ani gitaba ong·enga. Garo Hills-ni ramarang gita iandake niam gri bostu salruraaniko sorkari ta·raken champengatna nangchongmota,” ine Marak parakataha.

spot_imgspot_img

Related articles

UAE heat forces 30-minute delay in Asia Cup matches

Dubai, Aug 30: The start time for 18 out of the 19 matches in the upcoming Asia Cup...

Gill awaits fitness test for Asia Cup

Bengaluru, Aug 30: India Test skipper and T20 vice-captain Shubman Gill reached the BCCI Centre of Excellence here...

Oman skipper ready for maiden Asia Cup

New Delhi, Aug 30: When Oman steps out for their maiden Asia Cup game against Pakistan in Dubai...

Indian fan zones sold out: CA

Melbourne, Aug 30: Cricket Australia has announced that the dedicated Indian fan zones at all eight venues for...