Shillong: A·dok sorkari MeECL-o kam ka·e neng·takgiparangna terminal retirement benefit ba namgnirangko on·engjok ine Meghalaya Energy Corporation Limited (MeECL), Power Engineers-ni Association, mni Sukrobar salo parakataha.
Kobor ra·timgiprang baks agangrikmitingo association-ni president Arju Dkhar, indine aganaha, “sorkari kror 840-ni terminal benefit-ko kamoni neng·takgiparangna on·na ku·chakaha.
Chong·mot terminal benefit-ni valuation-ara bilsi 2023 March 31 tariko kro 840-oni kror 3400-ona tang·doaha.
Indake association, Chief Minister Conrad K Sangma-ko aro uni cabinet-ni minister-rangko Electricity Act 2003-o dongimin niamrangko chu·sokatanina mittelataha.
A·dok sorkari, uamangni ku·chakatangko chu·so-katna nangchongmota, ian sorkarni daito ong·a.
“Chinga sorkarioniko terminal retirement benefit ba tangka paisani gita on·e dakchakaniko man·a a·bachengengjok, ine parakaha.
