Wednesday, July 16, 2025
spot_img

Aruakgre songo RMSA skul nokko rika matchotkujae neng·nikaniko man·enga

Date:

Share post:

spot_imgspot_img

RESUBELPARA: North Garo Hills a·jani Bajengdoba Block ning·o donggipa Aruakgre songo RMSA skul nokko rika matchotkujaengani a·sel, classroom-rang chu·ongjae poraienggipa chatro chatrirang aro skigiparang neng·nikanirangko chagrongna nangtokenga.
Aruakgre songara, Gokol song samba jolo donggipa National Highway (NH-51) ramaoni kilometre 5-mang chel·ao donggipa song ong·a aro ia skulo skie on·enggipa mande saksani badi ka·doatani ja·man ia skulona re·ange nion, ia skul nokni obostarangko nikna man·aha.
Ia skulona re·angon, ia songo network-koba man·ja aro ia songo adita kam ka·giparangni skul nok rikengako nikna man·aha. Ia skul nokko matchotna gita komibeoba sal 20-30-mangko nangkugen ine ia nokko rikenggipa manderang ku·rachakaniko on·ataha.
Aruakgre songo donggipa RMSA skulni principal Sengcilda Sangma-ni parakatani gitade, ia skul nokko rika matchotkujaengani gimin uamang sambao donggipa SSA UP skul nokkon jakkaldimenga.
“Ia skul nokko 2018 bilsion rikna a·bachengahachim indiba da·alonan kamrang matchotkujaengani a·sel chinga ia skulo chatro chatrirangko ra·dapna man·kujaenga. Skul nokko rika matchotahaode ian chingna rang·speaniko on·gnok,” ine ua aganaha.
Principal-ni aganani gitade, ia RMSA skulni class IX-o sak 35 chatro chatrirang donga aro uamang SSA UP skul nokni classroom-kon jakkaldimenga. Ia skulo gimik sakdok skigiparang, Class IX aro Class X-ni chatro chatrirangna skie on·enga aro Class X-ni sak 15 chatro chatrirangkode songni chonbegipa community hall-o class-ko ra·skaenga ineba skulni principal parakataha.
Ia chonbegipa skul compound-on sorkari LP skul, SSA skul aro RMSA skulkoba chalaiengachim. LP section-o sak 60-na baten chatro chatrirang donga aro SSA skulo sak 80-na baten chatro chatrirang dongskaa indiba chonbegipa classroom-o indita sak chatro chatrirangko class ra·na nange, ian poraienggipa chatro chatrirangnasan ong·aigija skigiparangnaba neng·nikani ong·enga ine RMSA skulni principal parakataha.
UP section-ni classroom-ba do·ga aro kelkirang be·aha aro nokking selani a·sel wachini somoirangode mikka chirangba selenga ine u·iataha.
Class IX-na jakkalenggipa classroom-ko nion, ian 130 ba 140 square feet-mangsan ong·aiani gimin sak 35 chatro chatrirangko ia classroom-o ra·aniara namen neng·beani ong·enga ine nikna man·aha.
“Chatro chatrirang bench-rango asongnamangmangan biaprang chu·ongjaenga aro note-rangko gatanide namen neng·beani ong·aha. Iani giminsa chingna skul nokko ta·raken matchotna nangenga,” ine skulni principal aganaha.

spot_imgspot_img

Related articles

Jokes on disabled violate right to dignity, says SC ahead of laying guidelines to rein in stand-ups

New Delhi, July 15:  Insensitive jokes mocking disabled people violate their right to dignity, the Supreme Court said...

An archeological heritage, Satyajit Ray’s family home set for demolition in Bangladesh

Dhaka, July 15:  In yet another shocking development showcasing the growing social intolerance in Bangladesh, the ancestral home...

On bail: How Rahul Gandhi’s political punchlines keep landing him in courtrooms

New Delhi, July 15: Leader of the Opposition (LoP) in Lok Sabha Rahul Gandhi has spent much of...

Shubhanshu Shukla: India’s new star

New Delhi, July 15: About 41 years after Rakesh Sharma's flight in 1984, India sent an astronaut into...