TURA: Union Grants Commission (UGC)-ni NET porikkako National Testing Agency (NTA)-ni gita June 18 tariko ong·atengani gimin porikkao invigilator ba nitimgipani kamko ka·na sienggiparangna Tura-ni Don Bosco College-o agan-talate on·anirangko dakangaha.
Ia training program-ko Tura Don Bosco College-ni Associate Professor Dr Madhusudhan Saha aro Assistant Professor Dr Yubraj Sharma dakdilangaha, jeon invigilator-rangni dakna nanggni aro porikkako nama bewalo ong·atani bidingo agan-talatanirangko on·angaha.
Tura-o UGC NET porikkako dambri centre-rango, chong·motan Tura Don Bosco College (330501), Sherwood School (330502), Captain William’s School (330503) aro Nokrek Heights School (330504) centre-rango ong·atenga.
Ia centre dambrio UGC NET porikkako sena gita Garo Hills gimikoni sak 1080 candidate-rang register ka·aha.
Tura-o ian skanggipa changna UGC NET porikkako ra·ani ong·enga aro iani bidingo invigilator-rangna dakna nanggni aro NTA-ni niamrangni bidingo ia program-ko ong·atanio agan-talate on·angaha.
