SHILLONG: Chonbegipa a·dok Meghalaya-o HIV sagipa bi·sarang sak 364 donga ine National Commission for Protection of Child Rights, Sonibar salo parakataha.
NCPCR-ni chairperson Priyank Kanoongo, jean a·dokona re·baaha, Sonibar salo Meghalaya sorkarini ge 15-16 department baksa tom·angaha. Commission a·dok sorkariko HIV saenggipa bi·sarangko porikka ra·china aro uamangni nokdangna tangka paisako dakchakna aganaha.
Una agreba Meghalaya -o bilsi chu·sokgiparang sak 8000 HIV positive sagiparang donga ine Commission-na u·iataha.
Uandake a·doko kal·akgrima ba tilekgrima obosta ong·ani gimin sing·on, ‘sorkariko me·chik police official-ko aro child welfare officer-ko songchina mol·molaha, maina mitam police station-rangode me·chik staff-rang komibea, ine Commission aganchakaha.
Mijaomangmang BSF-ni me·chik personnel-ko kragija dakani gimin sing·anina aganchakataon, ‘chinga ia mamlao chu·onga gita sakkirangko man·ja aro nangnika ong·ode chong·motg obostako talna gita team-ko watatgen aro notice-ko on·gen’ ine aganaha.
Indake Commission, Education Department aro Social Welfare-ko bakrime kam ka·e be·enni gita bilgrigipa sak 4000 bi·sarangko sandie uamang certificate ba pension- ba uandakgiparang donga dongjako sandi-niroke on·china aganataha.
SCPCR-na chairperson-ko songanio, ta·raken kam ka·gen ine a·dok sorkari Commisison-na ka·dongataha.
Uandake Meghalaya-ni 94 % songrango Child protection committee donga. Commission, Self Help Group-ni Master Trainer-rangna orientation programko ong·atna aganaha.
“Autonomous District Council baksaba bi·sarangni man·a kragipa right bilni gimin workshop aro programrangko ong·atgen ine Commission aganaha.
