TURA: Block-ni ning·o dingtang dingtang VEC-rangni ning·o MGNREGA bosturangni bill-rangko donchipengani ja·man block official-rangni gita tangkarangko jakkalsrtaninna matnangate chugipa gadango judicial am·sandianiko dakchina West Garo Hills-ni Demdema Block-ni ning·o ga·akgipa VEC-rangni gitcham president-rang aro secretary-rang apsan ku·cholsan dabiaha.
Dongkuenggipa bill-rangko parakchina sakkiko VEC-ni dilgiparang bia·aha, aro RTI file ka·anio pangchake uamangni matnangataniko Chief Minister Conrad Sangma-na on·aha.
“Gipinrangna agreba Block-ni ning·o komibeoba ge-8 VEC-rang donga, Borshibanda, West Bholarbitha, Charbatapara, Haribanga Part-I aro II, Purna Nagar, Pushkurnipara, Islampur, Bangalkhata. Gimik bosturangni bill-rang tangka krorrangni rakkie donkuenga,” ine uamang matnangataha.
Matnangatani gitade, 2020-21 aro 2021-2022 bilsio nakatgipa VEC-rangni agangipa gimikna kamrangko ge·etaha aro kamrang matchotaha aro bill-rangko matchotgipa kamrangni report-rang baksa on·aha. VEC-rangni bosturangni gimik bill-rangko on·gija dongkuenga, ine uamang matnangataha.
“Charbatapara, Bangalkhata, West Bholarbitha aro gipinrangoni VEC secretary-rangoni mitam political master-rangni gita bangbanggipa maming sea grigipa cheque-rangko on·a ra·an baksa chingna on·a tangkako bikotaha. Indiba chingade tangka bikota bikotjani gimin maming koborkon chingna on·ja,” ine matnangdapataha.
BDO-na iarangni bidingo changni chang mol·molataniko dakaha jeon bosturangna bill-rangko gamama gamkuja, iarangni ja·dil ja·pnagoni chugipa gadango am·sndianiko dakchina nangchongmotgipa ge·etaniko on·china Chief Minister-ko mol·molangaha.
MGNREGA bill-rangko official-rang jakkalsreta ine Demdema Block-ni VEC matnanga
Date:
Share post:
